حسینہ معین کی وفات مُلک کیلئے ایک بڑا نقصان ہے مہوش حیات

پاکستان شوبز انڈستری کی نامور اداکارہ مہوش حیات کا کہنا ہے کہ مصنف و ڈرامہ نگار حسینہ معین کے ساتھ کام نہ کرنے کا افسوس انہیں زندگی بھر رہے گا۔

باغی ٹی وی : تمغہ امتیاز اداکارہ مہوش حیات نے مائیکرو بلاگنگ ویب سائٹ ٹوئٹر پر اپنے ٹوئٹ میں حسینہ معین کی وفات پر گہرے دُکھ کا اظہار کرتے ہوئے کہا کہ حسینہ معین کی وفات مُلک کیلئے ایک بڑا نقصان ہے ان کے ڈراموں میں خواتین کی نقش نگاری خاصی حیران کُن تھی جو اب ہمیں ڈراموں میں نظر نہیں آتی۔

#HaseenaMoin ‘s passing is a loss for the whole country. Her plays were groundbreaking especially in the portrayal of women – something we unfortunately don't see in our plays now. My one regret is that I never got the chance to work with her. My condolences to her family. RIP

— Mehwish Hayat TI (@MehwishHayat) March 26, 2021

مہوش حیات نے حسینہ معین کے اہل خانہ سے تعزیت کرتے ہوئے کہا کہ حسینہ معین کے ساتھ کام نہ کرنے کا افسوس مجھے زندگی بھر رہے گا۔

واضح رہے کہ گزشتہ روز حسینہ معین دل کا دورہ پڑنے سے 79 برس کی عمر میں جہانِ فانی سے کوچ کرگئی تھیں حسینہ معین نے پی ٹی وی کے لیے بہت سے یادگار ڈرامے لکھے جن میں شہزوری، زیر زبر پیش، انکل عرفی، ان کہی، تنہائیاں، دھوپ کنارے، دھند، آہٹ، کہر، پڑوسی، آنسو، بندش، آئینہ شامل ہیں۔