بلوچستان کے علاقے کوئٹہ میں پولیو کیسز کے حوالہ سے انکشاف ہوا ہے کہ والدین نے بچوں کو پولیو کے قطرے نہیں پلائے

باغی ٹی وی کی رپورٹ کے مطابق بلوچستان کے علاقے کوئٹہ میں نئے پولیو کیس کی تحقیقات مکمل ہو گئی ہیں، رپورٹ کے مطابق پروپیگنڈے کے شکار والدین کی ضد نے بچے کو قطروں سے محروم رکھا ،والدین بچے کی انگلی پر جعلی نشان لگاتے رہے ،پولیو وائرس سے معذوری کے بعد والدین نے ویکسین نہ پلانے کا اعتراف کیا

خیبر پختونخواہ میں پولیو کے بڑھتے ہوئے کیسز، حکومت نے بڑا فیصلہ کر لیا

وزیراعظم عمران خان کے معاون خصوصی برائے انسداد پولیو بابر بن عطا کا کہنا ہے کہ کوئٹہ میں پولیو کیس کی تفصیلات جان کر دکھ ہوا،رواں سال 47 پولیو کیسز میں سے اکثریت کو قطرے نہیں پلائے گئے،پولیو ویکسین نے ساری دنیا بشمول مسلم ممالک سے وائرس کا خاتمہ کیا،والدین پروپیگنڈے پر کان نہ دھریں

انسداد پولیو پروگرام کے ترجمان کے مطابق ضلع قلعہ عبداللہ کے علاقے گردی پنکئ کے 9 ماہ کے بچے میں پولیو وائرس کی تصدیق ہوگئی ہے، جبکہ ضلع جعفر آباد کے علاقے شاہ پلال تحصیل گنداخہ کے 8 ماہ کے بچے میں پولیو وائرس کی تصدیق کے بعد بلوچستان میں اب تک دو کیسز سامنے آگئے ہیں، اس طرح ملک بھر میں رواں برس پولیو کیسز کی تعداد 41 ھوگئی۔

خیبر پختونخواہ میں انسداد پولیو مہم میں رکاوٹ پولیو سٹاف بن گیا

پولیو مہم کے خلاف پروپیگنڈہ، سات تعلیمی اداروں کے خلاف کاروائی

سوشل میڈیا پر پولیو مخالف مواد، کتنے اکاونٹس بند ہوئے، حیران کن خبر

انسداد پولیو مہم کی جانب سے سوشل میڈیا پر 495 اکاونٹ بند کرنے کی درخواست کی گئی تھی جن میں سے 257 اکاونٹ بند کر دئیے گئے. فیس بک پر 263 اکائونٹس بلاک کرنے کی درخواست پر 209 اکائونٹس بلاک کئیگئے۔ ٹویٹر پر 134 اکائونٹس بلاک کرنے کی درخواست پر 15 اکائونٹس بلاک کئے گئے ہیں. یو ٹیوب پر 88 بلاک کرنے کی درخواست پر اب تک 33 اکائونٹس بلاک کئے جا چکے ہیں۔ بابر بن عطا نے مزید کہا کہ جن اکائونٹس کو بند نہیں کیا گیا ان کے خلاف کارروائی کے لیے دوبارہ رابطہ کیا جائے گا۔