کوئٹہ : امام الحق کی جان بخشی ہوگئی، پی سی بی نے محض تنبیہ کرکے معاملے کو رفع دفع کردیا ہے. تفصیلات کے مطابق قومی کرکٹر امام الحق کاخواتین کے ساتھ دھوکہ دہی کا معاملہ وارننگ سے ٹل گیا، امام الحق پرسات سے آٹھ خواتین کیساتھ دھوکہ دہی کا الزام لگا،مبینہ میسجز کے اسکرین شاٹس بھی سوشل میڈیا پرجاری کیے گئے۔
ذرائع کے مطابق کوئٹہ میں میڈیا سے گفتگو میں ایم ڈی پی سی بی وسیم خان کا کہنا تھا کہ امام الحق نوجوان ہیں غلطی ہوئی اس لیے انہیں خبردار کردیا ہے۔ خواتین کے ساتھ دھوکہ دہی کا معاملہ منظرعام پرآنے کے بعد سوشل میڈیا پرامام الحق پرکڑی تنقید کی جارہی تھی۔ پاکستان کرکٹ بورڈ نے جوانی کی غلطی قرار دیتے ہوئے آئندہ محتاط رہنے کی ہدایت کردی۔
