پنجاب بھر کی جیلوں میں ڈاکٹرز کی قلت ، قیدی بیمار ، پریشان

لاہور : پنجاب کی جیلوں میں ڈاکٹروں کی کمی کی وجہ سے بیمار قیدی بہت پریشان ہیں . ذرائع کے مطابق جیل حکام قیدیوں کی صحت کے حوالے سے مخلص دکھائی نہیں دیتی جس کی وجہ سے قید وبند کی صعوبتیں برداشت کرنے والے جیل حکام کے بے حسی پر بھی بہت پریشان ہیں.

تفصیلات کے مطابق لاہورسمیت پنجاب بھر کی جیلوں میں ہسپتال توموجودہیں لیکن اکثرجیلوں میں ڈاکٹرز موجود نہیں ہیں جسکی وجہ سے اکثراوقات جیل حکام کومشکلات کا سامنا کرناپڑتا ہے۔ لاہورسمیت صوبہ بھرکی جیلوں میں 35 ڈاکٹرزکی اسامیاں خالی پڑی ہیں جیل ھکام کی جانب سے باربارمحکمہ ہیلتھ کومراسلہ بھجوانے کے باوجود ڈاکٹرز تعینات نہیں کیے گئے جسکی وجہ سے مسائل کا سامنا کرنا پڑتا ہے۔قیدیوں کی طرف سے اس سلسلے میں‌ کئی مربتہ جیلوں کے اندر احتجاج کیا گیا ہے لیکن حکومت اس پر کوئی توجہ دیتی نظر نہیں آتی