مسلمانوں کی اسلامی فتوحات پر مبنی ترک سیریز ’ارطغرل غازی‘ میں مرکزی کردار ادا کرنے والے اداکار انجین آلتان نے دنیا بھر کے تمام مسلمانوں کو رمضان المبارک کی آمد کی مبارکباد دی ہے۔
باغی ٹی وی: ارطغرل کے نام سے مشہور ترک اداکار انجین آلتان نے اپنے تصدیق شدہ انسٹاگرام اکاؤنٹ پر ایک خصوصی اسٹوری شئیر کی ہے۔
انجین آلتان نے رمضان کی مبارکباد دیتے ہوئے لکھا کہ ’دنیا بھرسے میرے تمام مسلمان بہن بھائیوں کو رمضان مبارک۔‘
یہاں قابل ذکر بات یہ ہے کہ ترکی میں 13 اپریل یعنی آج پہلا روزہ ہے۔
واضح رہے کہ ترک ڈرامہ سیریل گزشتہ سال پی ٹی وی پر پاکستانی وزیراعظم کی ہدایت پر اردو میں ڈب کر کے نشر کیا گیا تھا نہ صرف ڈرامے بلکہ اس کے کرداروں کو بھی پاکستان میں خوب پسند کیا گیا ہے جبکہ اس ڈراے نے پاکستان میں مقبولیت میں کے نئے ریکارڈ قائم کئے ہیں-
تاہم ڈرامے کی مقبولیت کو دیکھتے ہوئے اس کی نئی اقساط رمضان المبارک کے دوران نشر کی جائیں گی-
Pakistan Television @PTVHomeOfficial to telecast new episodes of Ertugral @DirilisDizisi daily at 7:45 PM throughout Ramazan. Ertugral series is a great exhibition of culture & Islamic faith – an amazing journey through the phenomenal Turkish history @trtworld. pic.twitter.com/kOLa6Jr0yj
— Faisal Javed Khan (@FaisalJavedKhan) April 10, 2021
اس حوالے سےسینیٹر فیصل جاوید خان نے گزشتہ روز سماجی رابطے کی ویب سائٹ ٹوئٹر پراپنی ٹوئٹ میں بتایا تھا کہ پاکستان کے سرکاری ٹی وی چینل پی ٹی وی پر رمضان کے دوران روزانہ شام کو 7:45 منٹ پر ترک ڈرامے ’دیریلش ارطغرل‘ کی نئی اقساط دکھائی جائیں گی۔
