الوویرا (کوار گندل) ایک عام پودا ہے جو پاکستان میں تقریبا ہرجگہ ملتا ہے۔ لوگ اس کو گھروں میں گملوں میں زیبائش کے لئے لگاتے ہیں ۔ اس کا تنا نہیں ہوتا بلکہ تنا نما پتے ہوتے ہیں جو گودے سے بھرے ہوئے ہوتے ہیں۔ اس کے کناروں پر چھوٹے چھوٹے کانٹے ہوتے ہیں۔
الوویرا (کوار گندل) میں بہت سے پروٹین، فولک ایسڈ، وٹامن سی۔ وٹامن بی1، بی2، بی3، بی 6 اور وٹامن ای پائے جاتے ہیں جو اس کی معجزانہ تاثیر کی وجہ ہیں۔ اس پودے کے گودے میں درجنوں معدنی اجزا کیلشیم، کاپر، آئرن، پوٹاشیم ،سوڈیم وغیرہ (امائینو ایسڈ، لائیسین، ویلین، لیوسین، سیرین، سسٹین وغیرہ) پائے جاتے ہیں۔ اس کے تندرستی کے لئے بے شمار فوائد ہیں۔
1- الوویرا (کوار گندل) جراثیم کش خصوصیات کی وجہ سے کاسمیٹک ، صابن اور لوشن وغیرہ کی تیاری میں استعمال ہوتا ہے۔ گودا سے چہرہ پر مالش کرنے سے جلد صحت مند ہوجاتی ہے۔ بالوں میں شیمپو کرنے سے بال چمکدار اور لمبے ہوجاتے ہیں.
2- کوار گندل کا استعال غذا کو جزو بدن بنانے والے نظام کی اصلاح اور بحالی میں مدد دیتا ہے.
3- الوویرا (کوار گندل) اندرونی زخموں، کیڑوں کے کاٹے اور نباتاتی زہروں سے محفوظ رکھنے میں مفید ہے.
4- الوویرا (کوار گندل) جگر کوتحریک دیتا ہے اور یرقان ، جگر، تلی کے بڑھ جانے کی حالت میں بھی موثر ہے۔
5- الوویرا (کوار گندل) کھانسی، نزلہ اور زکام وغیرہ میں بھی مفید ہے۔ اس کے لئے کوار گندل کو چھوٹے چھوٹے ٹکروں میں کاٹ کر پانی کے ساتھ ابالیں اور اس کا قہوہ پاجائے۔
6- الوویرا (کوار گندل) کمر درد اور جوڑوں کے درد کا شافی علاج ہے۔
7- الوویرا (کوار گندل) قبض کشا اور مقوی معدہ ہے۔ جوس کی صورت میں پی لیں۔
8- الوویرا (کوار گندل) میں پیٹ کے کیڑے مارنے کی تاثیر پائی جاتی ہے۔
9- الوویرا (کوار گندل) جلد کے بہت سے امراض، اگزیما، سر کی خشکی،جلد کا پھٹنا، داغ دھبے وغیرہ کے لئے مفید ہے۔
10- الوویرا (کوار گندل) کا استعال مسوڑھوں حلق کے عوارض، قولنج، بواسیر، ذیا بیطس گردے اور مثانے کی بیماریوں کے لئے مفید ہے۔
