خبردار،لاہوریئے ہو جائیں ہوشیار، مکمل لاک ڈاؤن کا اعلان ہو گیا
باغی ٹی وی کی رپورٹ کے مطابق ملک بھر میں کرونا کی تیسری لہر جاری ہے، کرونا سے بچاؤ کے لئے این سی او سی کی جانب سے گائیڈ لائن کے بعد کمشنر لاہور نے لاک ڈاؤن کا اعلان کر دیا
کمشنر لاہور کا کہنا تھا کہ لاہور شہر میں ہفتہ اور اتوار کو مکمل لاک ڈاؤن ہو گا،لاک ڈاؤن کے دوران تمام مارکیٹس، کاروباری مراکز بند رہیں گے، ٹرانسپورٹ بھی بند رہے گی، لاک ڈاؤن کے دوران میڈیکل اسٹورز، پیٹرول پمپس اور ویکسی نیشن سینٹرزکھلے رہیں گے ،کمشنر لاہور کا کہنا ہے کہ شہریوں کو چاہئے کہ دو روز کے لئے ضروری اشیاء کی آج ہی شاپنگ کر لیں، دو روز تک گھر رہیں اور کرونا کے پھیلاؤ کو روکنے میں اہم کردار ادا کرتے ہوئے ذمہ دار شہری ہونے کا ثبوت دیں
کمشنر لاہور کا کہنا تھا کہ مشکل کی اس گھڑی میں لیے جانے والے سخت فیصلوں کو کامیاب بنانے میں ہمارا ساتھ دیں۔
ہفتہ اور اتوار کو لاہور شہر میں مکمل لاک ڈاؤن ہو گا۔تمام کاروبار اور مارکیٹیں مکمل بند رہیں گی۔صرف میڈیکل سٹور، پٹرول پمپ، ویکسی نیشن سنٹرز، دودھ دہی، گوشت اور سبزی کی دوکانیں کھلی رہیں گی۔
مشکل کی اس گھڑی میں لیے جانے والے سخت فیصلوں کو کامیاب بنانے میں ہمارا ساتھ دیں۔#Lahore pic.twitter.com/FHfLJ8c5cO
— Commissioner Lahore Division (@commissionerlhr) April 30, 2021
لاہور شہر میں کورونا وائرس مزید 18 اموات ہوئی ہیں جبکہ کورونا کے مزید 1085 نئے مریض سامنے آئے ہیں،سرکاری اور پرائیویٹ ہسپتالوں میں مجموعی طور پر 1237 کرونا مریض مریض داخل ہیں۔ کورونا وائرس کے 265 مریضوں کی حالت تشویشناک ہے جو وینٹی لیٹر پر زیر علاج ہیں۔
قبل ازیں ڈی سی لاہور مدثر ریاض نے شادمان رمضان بازار کا دورہ /انتظامات کا جائزہ لیا گیا. ڈی سی لاہور مدثر ریاض نے رمضان بازار میں اشیائے ضروریہ کی فراہمی، سرکاری نرخوں پر عملدرآمد اور ریٹ لسٹ کو نمایاں جگہ پر آویزاں کرنے کا جائزہ لیا.ڈی سی لاہور مدثر ریاض نے کدو، آلو، گاجر، ٹماٹر، پیاز اور سیب کی قیمتوں کا ازخود جائزہ لیا.ان سٹالز پر کھڑے ہو کر خرید و فروخت کا معائنہ کیا.ڈی سی لاہور مدثر ریاض نے آٹا اور چینی کی قیمتوں کا بھی جائزہ لیا.چینی 65 روپے فی کلو کے حساب سے مل رہی ہے.آٹا کے مقدار اور وزن کو بھی چیک کیا.شادمان بازار میں کورونا ایس او پیز پر عملدرآمد کا جائزہ لیا گیا.سماجی فاصلے اور ماسکس کے استعمال کا جائزہ لیا گیا.بازار انتظامیہ کسی بھی شہری کو بغیر ماسک بازار میں داخل نہ ہونے دے.کورونا ایس او پیز پر سختی سے عملدرآمد کروایا جا رہا ہے.
