فردوس عاشق اعوان کے غصے کی اصل حقیقت یہ ہے کہ اسسٹنٹ کمشنر سیالکوٹ نے ایک روز قبل فردوس عاشق اعوان کے رشتہ دار کا گودام بنا کسی سیاسی دباٶ یا سفارش میں آۓ ناجائز زخیرہ اندوزی کی وجہ سے سیل اور بھاری جرمانہ کردیا تھا.فردوس عاشق اعوان کے سفارش کرنے کے باوجود اسسٹنٹ کمشنر سیالکوٹ نے کاروائی کی
دوسری جانب وزیراعلیٰ پنجاب سردار عثمان بزدار کی معاون خصوصی نے گذشتہ روز اسسٹنٹ کمشنر سیالکوٹ کو خوب ڈانٹا جس کی ویڈیو سوشل میڈیا پر وائرل ہو گئی تھی۔ اس ویڈیو پر سوشل میڈیا صارفین نے کئی تبصرے کیے اور زیادہ لوگوں نے اے سی سیالکوٹ سونیا صدف کی حمایت میں آواز اُٹھائی۔ تاہم اب وزیراعظم عمران خان کے معاون خصوصی عثمان ڈار نے بھی سونیا صدف کی حمایت میں بیان دے دیا ہے۔
سیالکوٹ کے رمضان بازار میں اسسٹنٹ کمشنر سونیا صدف کے ساتھ پیش آئے ناخوشگوار واقعے پر افسوس ہوا! میں ذاتی طورپر اسسٹنٹ کمشنر سونیا صدف کو جانتا ہوں وہ ذمہ دار اور قابل آفیسر ہیں! خواتین کا ہمارے معاشرے کے گورننس سسٹم میں کردار انتہائی خوش آئیند ہے جسے سراہا جانا چاہیئے!
— Usman Dar (@UdarOfficial) May 2, 2021
تفصیلات کے مطابق وزیراعظم عمران خان کے معاون خصوصی عثمان ڈار نے کہا کہ اسسٹنٹ کمشنر سونیا صدف کے ساتھ پیش آئے ناخوشگوار واقعہ پر افسوس ہوا۔ انہوں نے کہا کہ میں سونیا صدف کو ذاتی طور پر جانتا ہوں وہ ایک ذمہ دار اور قابل افسر ہیں۔ عثمان ڈار نے کہا کہ خواتین کا گورننس سسٹم میں کردار انتہائی خوش آئند ہے، خواتین کے معاشرے میں ایسے کردار کو سراہا جانا چاہئیے۔
دوسری جانب عوام کا کہنا ہے کہ اسسٹنٹ کمشنر سیالکوٹ ایک مخنتی افسر ہیں اور دن رات عوام کی خدمت کیلئے کام کرتی ہیں
