اسلام آباد/راولپنڈی (محمداویس )ریلوے گینگ مین مزدورں کی رمضان میں سنی گئی ،پاکستان ریلوے نے گینگ مین مزدوروں کومخصوص سیفٹی شوزدینے شروع کردیئے ،ریلوے کی تاریخ میں پہلی بار راولپنڈی ڈوپژن میں 12سو گینگ میںمزدورں کے لیے سیفٹی شو خرید کر فراہمی شروع کردی،گینگ مین کےلیے سیفی شوزراولپنڈی ڈویژن نے اپنے وسائل سے خریدے ہیں،راولپنڈی ڈویژن کی طرف سے سیفٹی شوزکی فراہمی باقی ریلوے ڈویژن کے لیے بھی قابل تقلید عمل ہے،،ریلوے ٹریک پر کام کرنے والے مزدورں کو4روپے ماہانہ کام کی سختی کی وجہ سے جوتا الاؤنس ملتاہے۔ڈی ایس راولپنڈی انعام اللہ نے کہاکہ سیفٹی شوز کی وجہ سے مزدوکام کے دوران حادثے سے محفوظ رہے گا ۔اس خبر ارساں ادارے کے مطابق پاکستان ریلوے میں ریل گاڑیوں کوپٹرویوں پر روان دوان رکھنے والے گینگ مین مزدوروں کی رمضان میں سنی گئی ۔گینگ مین ریل کی پٹرویوں پر کام کرتےہیں عالمی یوم مزدور 2 مئی کو انکشاف ہواتھاکہ ریلوے گینگ مین مزدورں کو کسی قسم کی سہولت دستیاب نہیں ہے کام کی سختی کی وجہ سے جوتے باربار ٹوٹ جاتے ہیں جس کی وجہ وہ نئے جوتا نہیں خرید سکتے اور مجبورا چپلوں میں ریل پٹریوں پر کام کرتے ہیں ۔
جس کااعلٰی حکام نے نوٹس لیااورپہلی بار راولپنڈی ڈویژن میں مخصوص سیفٹی جوتے تقسیم کرنا شروع کردیئے گئے ۔ڈی ایس راولپنڈی انعام اللہ نے ریلوے مزدورں میں سیفٹی شو خرید کرتقسیم کرنے شروع کردیئے ۔انہوں نے کہاکہ راولپنڈی میں ایک ہزاردوسو سے زائد گینگ مین مزدوروں کو سیفٹی بوٹ فراہم کریں گے مخصوص سیفٹی شوز کی خریداری راولپنڈی ڈویژن نے اپنے ویلفئیر فنڈز سے مکمل کرلی ہے اور گینگ مین مزدورں کو جوتے فراہم کرنا شروع کردیئے ہیں ان جوتوں میں پاؤ ں کی حفاظت کے لیے لوہالگاہوتاہے اگر کام کے دوران مزودوں کے پاؤں پر کوئی چیز لگتی ہےتو اس سے ان کے پاؤں کی حفاظت ہوگی ۔ریلوے میں گینگ مین سب سے پسا ہوا طبقہ ہے جس کی کوئی سفارش نہیں اور نہ ہی ان کوسہولیات ہیں سیفی شوز راولپنڈی نے اپنے ویلفئیر فنڈز سے خریدے ہیں اور ایک سیفٹی شوز کاجوڑا 15سوروپے میں ہول سیل ریٹ پر پڑا ہے ۔
واضح رہے کہ گینگ مین کے سخت کام کی وجہ سے جوتے جلدی ٹوٹ جاتے تھے جس کی وجہ سے انگریز دور میں ریلوے گینگ مین کو 5 پیسے جوتا الاؤنس دیاجاتاتھاجو اب 4 روپے ماہانہ کردیاگیاہے جو کہ ریلوے مزدوں کے ساتھ مذاق سے کم نہیں ۔گینگ مینو ں کوکہناہے کہ نئے جوتے لیتے ہیں مگر وہ کام کی سختی کی وجہ سے جلد ٹوٹ جاتے ہیںجس کے بعد چپل میں کام کرناپڑتاہےسیفٹی شوز دینے پر گینگ مین مزدوں میں خوشی کی لہر دوڑ گئی اور ڈی ایس راولپنڈی ڈویژن کاشکریہ اداکیا۔
