بھوآنہ غیرت کے نام پر بہن کو بھائیوں نے قتل کر دیا
بھوآنہ پسند کی شادی کرنے پر تھانہ بھوآنہ کی حدود اڈا درہٹہ پر ایک اور حوا کی بیٹی کو موت کے گھاٹ اتار دیا گیا.موضع سعی حسین کی رہائشی 25 سالہ شاہدہ بی بی کو بھائیوں اظہر اور قمر نےساتھیوں کے ہمراہ فائرنگ کرکے قتل کردیا ہے.شاہدہ بی بی نے چھ ماہ قبل گھر سے بھاگ کر موضع درہٹہ کے رہائشی برادری کے شبیر نامی شخص کے ساتھ پسند کی شادی کی تھی جس کا اس کے بھائیوں کو رنج تھا.
پولیس کے مطابق آج موقع پا کر بھائیوں نے شبیر کے گھر جا بہن شاہدہ کا بیہیمانہ قتل کر دیا ہے جبکہ شبیر بھاگ کر جان بچانے میں کامیاب ہو گیا.اطلاع ملتے ہی پولیس تھانہ بھوآنہ موقع پر پہنچ گئی نعش کو اپنی تحویل میں لے کر پوسٹ مارٹم کیلئے تحصیل ہیڈ کوارٹر ہسپتال منتقل کر دیا ہے اور حسب ضابطہ کاروائی شروع کردی گئی ہے.