آئی ایم ایف کی طرف سے پاکستان کو اضافی امداد، کس مد میں ملی ؟
باغی ٹی وی :کرونا وبا کے خلاف لڑنے کے لیے پاکستان کو اضافی امداد دے دی گئی . ورلڈ بینک نے پاکستان کو وبا کا مقابلہ کرنے کے لیے 153 ملین ڈالر کی اضافی فنڈنگ کی منظوری دی ہے ۔
بتایا گیا ہے کہ ورلڈ بینک نے پاکستان کے لیے پی آر ای پی پراجیکٹ اپریل 2020 میں منظور کیا تھا، یہ سپورٹ پاکستان میں ویکسین مہم کے لیے فراہم کی جائیگی اور اضافی فنڈز کی فراہمی حکومت پاکستان کی درخواست پر کی جا رہی ہے.یہ فنڈز عالمی بینک کے اہلیت کے معیار پر پورا اترنے والے محفوظ اور موثر کوویڈ 19 ویکسین کی خریداری اور تعیناتی میں مالی اعانت فراہم کریں گے، اس منصوبے سے صحت کے نظام اور ویکسینیشن مہم پر عمل درآمد کرنے کی صلاحیت کو تقویت ملے گی۔
اس حوالے سے پاکستان میں عالمی بینک کے کنٹری ڈائریکٹر ناجی بنہاسین نے کہا کہ کوویڈ 19 کی تیسری لہر مارچ 2021 میں پاکستان میں سامنے آئی، اس سے لاکھوں لوگوں کی جان اور روزگار کو خطرہ ہے عالمی بینک وبائی امراض کے معاشرتی اور معاشی اثرات سے نمٹنے کے لئے پاکستان کو مدد فراہم کرنے کے لئے پرعزم ہے۔
