لاہور: تو بھی پاکستان ہے ، میں بھی پاکستان ہوں ، ضلعی انتظامیہ نے یوم آزادی شایان شان منانے کیلئے تیاریاں شروع کردیں، سرکاری و غیرسرکاری عمارتیں برقی قمقموں سے جگمگائیں گی جبکہ فائرورکس اور مختلف تقریبات بھی ہوں گی۔
https://youtu.be/5cRwUOOn7wg
ڈپٹی کمشنر لاہور صالحہ سعید کےمطابق یوم آزادی کی مناسبت اگر پریڈ یا کوئی بھی سرگرمی ہوئی تو بھر پور تعاون کریں گے۔ ڈی سی لاہور صالحہ سعید نے یوم آزادی کے سلسلے میں ایک اجلاس کی صدارت کی، اجلاس میںایڈیشنل ڈی جی پی ایچ اے اصغر جوئیہ نے بریفنگ دیتے ہوئے بتایا کہ فائر ورکس گریٹر اقبال پارک، ساون میلہ جیلانی پارک اور شہر کی بلند و بالا سرکاری و نجی عمارتوں کو برقی قمقموں سے روشن کرنے بارے فیصلہ کیا۔
سلنڈر پھٹنے سے مکان کی چھت گر گئی ، ایک شخص زخمی
بریفنگ میں ڈی سی لاہور کو بتایا گیا کہ شہر کے داخلی و خارجی راستوں سمیت کنال پر قومی ہیروز کے بڑے بڑے قد اور پورٹریٹ لگائے جائیں گے، یوم آزادی کی سب سے بڑی تقریب حضوری باغ میں ہو گی، جہاں پرچم کشائی ہوگی جبکہ شہر کے مختلف مقامات پر میوزیکل ایونٹس ہوں گے، مختلف مقامات پر یوم آزادی کے حوالے سے کیمپس لگائے جائیں گے۔
https://youtu.be/5THkhCm6ITM
ڈی سی لاہور کی ہدایت پر اصغر جوئیہ نے کہا کہ لاہور شہر کے انڈر پاسز اور چوک چوراہوں کو سجایا جائے گا، تحریک آزادی کے ہیروز کے پورٹریٹ آویزاں ہونگے محکمہ سول ڈیفنس ریلی اورمشعل برادر ریلی بھی نکالی جائیں گی، ڈسٹرکٹ ایجوکیشن اتھارٹی یوم آزادی کے حوالے سے مختلف سرگرمیوں کا انعقاد کرے گی۔
ڈی سی لاہور نے حکم دیا کہ اس سلسلےمیں سکولوں میں صفائی ستھرائی کا دن منایا جائے گا، پرائمری، ایلیمنٹری، سیکنڈری اور ہائی سکولوں میں پودے لگائے جائیں گے، تعلیمی اداروں میں ملی نغموں، تقریروں اور کوئز کے مقابلے ہونگے۔
ڈی سی لاہور نے اس موقع پر یوم آزادی کی مناسبت سے اپنے پیغام میںکہا کہ اس دن اللہ نے ہمیں آزادی دی تھی تو اب ہماری یہ ذمہ داری ہے کہ ہم اس آزادی پر اللہ کا شکر ادا کریں اور اس دن آزادی کی خوشیاں منائیں. صالحہ سعید نے یقین دہانی کرائی کہ مختلف کھیلوں کے مقابلہ جات منعقد کروائیں گے، فٹ بال، بیڈمنٹن، کراٹے، ٹائیکو ئنڈو، ہاکی، رولر سکیٹنگ، ٹگ آف وار، سائیکلنگ اور ٹیبل ٹینس شامل ہیں۔
