عیدالفطر کے خاص موقع پر حنا خان نے کس پاکستانی ڈیزائنر کے لباس کا انتخاب کیا؟

معروف بھارتی اداکارہ حنا خان نے عیدالفطر کے خاص موقع پر پاکستانی ڈیزائنر کے لباس کا انتخاب کیا-

باغی ٹی وی : حنا خان نے اپنے تصدیق شدہ انسٹاگرام اکاؤنٹ پر عید کی اپنی دلکش تصویریں شیئر کی ہیں جن میں اُنہوں نے سیاہ رنگ کا خوبصورت لباس زیب تن کیا ہوا ہے تصویروں میں حنا خان بہت حسین لگ رہی ہیں

بھارتی اداکارہ نے اپنی پوسٹ کے کیپشن میں پاکستانی ڈیزائنر مریم حسین کو مینشن کیا بتایا کہ اُنہوں نے پاکستانی ڈیزائنر مریم حسین کا لباس زیب تن کیا ہوا ہے۔

ساتھ ہی اُنہوں نے کیپشن میں دل والے ایموجی کا بھی اضافہ کیا جبکہ اداکارہ کی تصویروں پر چند ہی گھنٹوں میں 5 لاکھ 37 ہزار سے زائد لائکس بھی آچکے ہیں۔

حنا خان کی ان تصاویر کو ناصرف بھارت بلکہ پاکستان کے مختلف سوشل میڈیا پیچز پر بھی بڑی تعداد میں شیئر کیا جارہا ہے۔

واضح رہے کہ گزشتہ دنوں حنا خان کا کورونا پوزیٹیو آیا تھا جس کے بعد انہوں نے خود کو قرنطینہ کرلیا تھا-