کورونا کے بعد سمندری طوفان تاؤتےکے باعث ممبئی میں ہونے والی طوفانی اور موسلا دھار بارشوں نے تباہی مچا رکھی ہے –
باغی ٹی وی : بھارتی ریاست گجرات میں اب تک ’تاوتے‘ سے 21 افرا ہلاک، درجنوں زخمی اور سینکڑوں لاپتہ ہوچکے ہیں جب کہ لاکھوں لوگ نقل مکانی کرنے پر مجبور ہوگئے ہیں اس کے علاوہ سینکڑوں گھر بھی طوفان کے باعث تباہ ہوچکے ہیں۔
سمندری طوفان ’تاوتے‘ نے گجرات کے بعد ممبئی کا بھی رخ کیا جہاں ساحلی علاقوں کو شدید نقصان پہنچا اور 270 سے زائد ماہی گیر بھی لاپتہ ہوگئے ہیں جن کی تلاش کے لیے بھارتی بحریہ کا ریسکیو آپریشن جاری ہے اور 150 ماہی گیروں کو بحفاظت نکال لیا گیا ہے۔
دوسری جانب سمندری طوفان ’تاوتے‘ سمندری طوفان نے ممبئی کے ساحلی علاقے باندرہ میں بالی ووڈ شخصیات کے گھروں کو بھی کافی نقان پہنچا ہے پالی ہل کے مقام پر زیر تعمیر بالی ووڈ کی نوجوان جوڑی رنبیر کپور اور عالیہ بھٹ کے مکان کو بھی شدید نقصان پہنچا اور لجنڈری اداکارہ امیتابھ بچن کا دفتر بھی پانی سے بھر گیا۔
اپنی بلاگ پوسٹ میں امیتابھ بچن نے لکھا کہ بن بلائے مہمان یعنی سائیکلون کے باعث دن بھر موسلا دھار بارش برستی رہے اور تیز ہواؤں سے متعدد درخت گر پڑے جب کہ سڑکیں پانی سے بھرگئیں۔
انہوں نے بتایا کہ بارش کے باعث جوہو میں واقع ان کے دفتر ‘جنَک’ میں بھی پانی بھر گیا تھا اور تیز ہوا کے باعث اسٹاف کے کمروں کی چھتیں بھی اڑگئیں،ہم نے بارشوں سے قبل پلاسٹ کور شیٹس اور شیڈز لگائے تھے لیکن وہ سب تیز ہوا میں اڑگئے تاہم عملے نے ہمت نہیں ہاری اور پانی نکالتے رہے اور مشکل حالات کے باوجود بحالی کاکام کرتے رہے۔
انہوں نے اپنے عملے کی تعریف کرتے ہوئےکہا کہ وہ سب پانی میں بھیگ چکے ہیں تاہم ابھی بھی کام میں جتے ہوئے ہیں ، میں نے فوری طور پر انہیں کپڑے تبدیل کرنے کو کہا ہے اور اپنی وارڈ روب (الماری) سے انہیں کپڑے دیے ہیں۔
امیتابھ نے بتایا کہ اسٹاف ممبران کو جو جرسی دیں وہ چیلسی اور جے پور پنک پینتھر ٹیم کی تھیں۔
خیال رہے کہ سمندری طوفان تاؤتے نے کورونا سے شدید متاثر بھارت کے ساحلی علاقوں میں مزید تباہی پھیلادی ہے اور اب تک 27 افراد کے ہلاک ہونے کی اطلاعات ہیں۔
