کورونا کی بھارتی قسم پاکستان میں اب تک نظر نہیں آئی ڈاکٹر فیصل سلطان

معاون خصوصی صحت ڈاکٹر فیصل سلطان نے کہا ہے کہ پاکستان کو اس وقت کورونا کی برطانوی قسم کا سامنا ہے۔

باغی ٹی وی : ڈاکٹر فیصل کے مطابق کورونا کی بھارتی قسم پاکستان میں اب تک نظر نہیں آئی نجی ٹی وی چینل سے گفتگو کرتے ہوئے ڈاکٹر فیصل سلطان کا کہنا تھا کہ اس میں کوئی شک نہیں کہ پاکستان میں کوویڈ ٹیسٹ کرنے کی صلاحیت کم ہے۔

انہوں نے کہا کہ پنجاب اور کے پی میں کورونا کی صورت حال بہتر اور سندھ خصوصاً کراچی میں خراب ہو رہی ہے۔

ڈاکٹر فیصل سلطان نے بتایا کہ کین سائنو ویکسین کی خوراکیں جلد پاکستان میں بننا شروع ہوجائیں گی، لاکھوں خوراکیں میسر ہوں گی-