پاکستان تحریک انصاف کے رہنما فیاض الحسن چوہان کا کہنا ہے کہ نذیر چوہان اپنے قد سے بڑی باتیں کررہے ہیں۔
باغی ٹی وی : نجی ٹی وی چینل کے ایک پروگرام میں گفتگو کرتے ہوئے فیاض الحسن چوہان کا کہنا تھا کہ سارے معاملات حل ہوگئے تھے مگر نذیر چوہان کا گھوڑا تیز دوڑ رہا ہے۔
انہوں نے کہا کہ اب انہیں ان کے لیڈر کی کال آگئی ہے جس کے بعد ان کا سافٹ ویئر اپ ڈیٹ ہوگیا۔
فیاض الحسن چوہان کا یہ بھی کہنا تھا کہ عثمان بزدار کے خلاف تحریک عدم اعتماد (ن) لیگ نہیں لاسکی تو نذیر چوہان کہاں سے لاسکیں گے۔
واضح رہے کہ نذیر چوہان نے بیرسٹر علی ظفر کی رپورٹ پبلک کرنے کا مطالبہ کیا اور کہا تھا کہ رپورٹ کو قبول کریں گے۔