پی ڈی ایم میں واپسی کیلئے پیپلز پارٹی کو اپنی غلطی تسلیم کرنا ہو گی مولانا فضل الرحمٰن

لاہور: پی ڈی ایم کے سربراہ مولانا فضل الرحمان نے پی ڈی ایم میں شامل جماعتوں کا سربراہی اجلاس 29 مئی کو طلب کرلیا ہے-

باغی ٹی وی : تفصیلات کے مطابق پی ڈی ایم کے سربراہ مولانافضل الرحمان نے کہا ہے کہ پی ڈی ایم میں واپسی کیلئے پیپلز پارٹی کو اپنی غلطی تسلیم کرنا ہو گی،اے این پی اور پی پی کو رجوع کے لئے وقت دیا لیکن مثبت جواب نہیں ملا-

ذرائع کے مطابق مسلم لیگ (ن) کے مرکزی صدر شہبازشریف نے مولانافضل الرحمان سے اسلام آباد میں ملاقات کی، ذرائع کے مطابق دونوں رہنماؤں میں پی ڈی ایم سے متعلق امور پر تبادلہ خیال کیا گیا –

ذرائع کا کہنا ہے کہ شہباز شریف نے پیپلز پارٹی اور اے این پی کی پی ڈی ایم میں واپسی کی خواہش ظاہر کرتے ہوئے اپنی تجاویز دیں-

جس پر مولانا فضل الرحمن نے انہیں دونوں پارٹیوں کے متعلق پی ڈی ایم میں شامل جماعتوں کے متفقہ فیصلوں سے آگاہ کیا اور کہا کہ پی ڈی ایم نے دونوں جماعتوں کو رجوع کے لئے وقت دیا تھالیکن دونوں جماعتوں نے پی ڈی ایم سے تا حال رجوع نہیں کیا، انہوں نے کہا کہ پیپلز پارٹی کو اپنی غلطی تسلیم کرنا ہو گی ۔