کراچی کے ضلع جنوبی میں فیس ماسک نہ پہننے پر 77 افراد کو جرمانے عائد کر دیے گئے جبکہ کرونا ایس او پیز کی خلاف ورزی پر 18 دکانیں سیل کر دی گئیں۔
گزشتہ روز ڈپٹی کمشنر جنوبی کی ہدایت پر ایس او پیز اور لاک ڈاؤن کی خلاف ورزی کرنے پر کارروائیاں کی گئیں۔
اسسٹنٹ کمشنر گارڈن نے جوبلی سمیت مختلف علاقوں میں ایک ملک شاپ سمیت 4 دکانوں کو سیل کر دیا جبکہ فیس ماسک استعمال نہ کرنے پر 23 افراد پر جرمانے عائد کیے گئے۔
مختیار کار لیاری نے ایس او پیز کی خلاف ورزی کرنے پر 3 ٹرانسپورٹ بکنگ آفسس کو سیل کیا جبکہ ماسک نہ پہننے پر 4افراد کو جرمانہ کیاگیا۔
اسسٹنٹ کمشنر آرام باغ نے فرنیچر مارکیٹ میں 2 دکانوں کو سیل کیا اور فیس ماسک استعمال نہ کرنے پر 28افراد کو جرمانہ کیا۔
مختیار کار سول لائن نے فیس ماسک استعمال نہ کرنے پر 15افراد پر جرمانے کیے۔
اسسٹنٹ کمشنر صدر نے ایس او پیز کی خلاف ورزی کرنے پر 9 سیلون کو سیل کر دیا اور فیس ماسک استعمال نہ کرنے پر 7 افراد پر جرمانے عائد کیے گئے
