اسد عمر کے مطابق حکومت کے کرونا پر سخت فیصلوں سے کیسز کی تعداد کہاںتک پہنچ گئی ، جان کر خوش ہو جائیں
باغی ٹی وی : وفاقی برائے منصوبہ بندی وزیر اسد عمر نے کہا ہے کہ پاکستان میں کورونا ویکسین لگانے کاسلسلہ تیز ہوگیاہے، کورونا کی صورتحال کے باعث حکومت کو سخت فیصلے کرنے پڑے۔ سخت فیصلوں کے باعث کورونا کیسز میں کمی نظرآئی،پاکستان میں کورونا کیسز کی مثبت شرح10فیصد تک پہنچ گئی تھی،
اسد عمر کا کہنا تھا کہ پاکستان میں اب کورونا کیسز کی مثبت شرح4فیصد پر آگئی ہے،پاکستان میں اب تک 70لاکھ سے زائد ویکسی نیشن کی جاچکی ہے۔عوام سے گزارش ہے کہ ویکسین لگوائیں،
کورونا سے بچنے کا واحد راستہ ویکسی نیشن ہے،گزشتہ روز سب سے زیادہ 3لاکھ ویکسین لگائی گئی ہیں،ویکسین سے متعلق صوبائی حکومتوں سے رابطے میں ہیں۔
اسد عمرنے مزید کہا کہ چاہتےہیں بڑی عید سے پہلے ایسی صورتحال پر پہنچیں تاکہ بندشیں نہ لگانا پڑیں۔رواں سال کے آخر تک 7کروڑ لوگوں کی ویکسی نیشن چاہتےہیں.پڑوسی ممالک کی نسبت کورونا سے پاکستان میں کم نقصان ہواہے.پاکستان میں7کروڑ افراد کو ویکسین لگانے کا ہدف ہے.
18سال سے زائد افراد کے لیے مفت ویکسین میسر ہوگی.جون اور جولائی میں 2کروڑ ویکسین میسر ہوں گی
