سکھر : ڈہر کی کے قریب ملت ایکسپریس کی متعددبوگیاں ٹریک سے اترگئی سر سید ایکسپریس بھی ملت ایکسپریس سے جا ٹکرائی-
ریلوے حکام کے مطابق کراچی سے سرگودھا جانے والی ملت ایکسپریس کی 4 بوگیاں ٹریک سے اتریں حادثہ ڈہرکی اور ریتی اسٹیشن کی درمیان پیش آیا ملت ایکسپریس کی بوگیاں گرنے کے چند منٹ بعد ہی سرسید ایکسپریس جا ٹکرائی-
حادثے کے باعث اپ اور ڈاون ٹریک بلاک راولپنڈی جانے والی سر سید ایکسپریس کو روہڑی میں روک دیا گیا جبکہ ملتان جانے والی زکریا ایکسپریس کو گھوٹکی میں روک دیا گیا اور پاک پتن جانے والی فرید ایکسپریس کو روہڑی میں روک دیا گیا ڈھرکی اور صادق آباد کے درمیان ریلوے آپریشن معطل ہے-
ریلوے حکام کے مطابق ملت ایکسپریس کی تین بوگیاں مکمل تباہ ہوئیں،ٹرین حادثے میں 10افردکی لاشیں نکال لی گئیں-
پولیس کا کہنا ہے کہ ہیوی مشینری نہ ہو نے کی وجہ سے پھنسے ہوئے مسافروں کو نکالنے اور ریسکیو آپریشن میں شدید مشکلات کا سامنا ہے-
سکھرکے ڈی ایس میاں طارق لطیف کے مطابق متعدد مسافر ٹرین میں پھنسے ہوئے ہیں حادثے کے نتیجے میں ملت ایکسپریس 8 بوگیاں اور سر سید ایکسپریس کی پانچ بوگیاں ٹریک سے اتری ہیں-
ڈی سی محمد عثمان کے مطابق سکھر, گھوٹکی, میرپور ماتھیلو کے ہسپتالوں میں ایمرجنسی نافذ ٹرین حادثہ ، 13 سے 14 بوگیاں تباہ ہوئیں-
ڈی آئی جی فدا حسین کے مطابق ٹرین حادثہ ،30 مسافر جاں بحق ہوئے ہیں ڈی ایسٹرین حادثہ، پاک فوج کے جوان امدادی سرگرمیوں کے لئے پہنچ گئے-
ڈی سی محمد عثمان نے بایا کہ اسپتالوں میں ایمرجنسی نافذ کردی گئی ہے زخمیوں کو طبی امداد کے لئے اسپتال منتقل کیا گیا،6 سے 8 بوگیاں ایک دوسرے میں پھنسی ہوئی ہیں کراچی، سکھر، فیصل آباد اور راولپنڈی میں ہیلپ سینٹر قائم کردیئے گئے-
عینی شاہدین کے مطابق متعدد مسافر ابھی تک بوگیوں میں پھنسے ہوئے ہیں، پاک فوج،رینجرز،ریسکیو،پولیس اور ضلعی انتظامیہ امدادی کارروائیوں میں مصروف ہیں-
