سعودی عرب، قرات اور اذان کے عالمی مقابلہ کی رجسٹریشن کی تاریخ میں توسیع

سعودی عرب میں حکومت کی جنرل تفریحی اتھارٹی نے قرات قرآن اور اذا ن کے عالمی مقابلوں کے لئے رجسٹریشن کی تاریخ میں توسیع کا اعلان کیا ہے۔
96 ہزار پاکستانی عازمین حج سعودی عرب پہنچ گئے.
جنرل تفریحی اتھارٹی کے چیئرمین ترکی الشیخ کی طرف سے جاری بیان کے مطابق ان مقابلوں میں دنیا بھر کے شرکاء کی زبردست دلچسپی کے مدنظر رجسٹریشن کی آخری تاریخ 22 جولائی سے بڑھا کر 18اگست کردی گئی ہے۔

یادرہے کہ اب تک 162ملکوں کے تیس ہزار سے زائد شرکاء اپنے نام کا اندراج کرا چکے ہیں۔ ان مقابلوں میں اول پوزیشن حاصل کرنے والے کو بالترتیب پانچ ملین ریال اور دو ملین ریال بطور انعام دیئے جائیں گے۔جب کہ انعامات کی مجموعی مالیت ایک کروڑ بیس لاکھ ریال ہے۔