پاکستان کی پہلی خواجہ سرا ماڈل و اداکارہ کامی سد نے ایمان علی کے خود کو خواجہ سرا قرار دینے والے بیان پر شدید ردّعمل کا اظہار کیا گیا ہے۔
باغی ٹی وی : ایمان علی نے چند دن قبل واسع چوہدری کے پروگرام ’گھبرانا منع ہے‘ میں شرکت کی تھی انہوں نے پروگرام میں بتایا تھا کہ انہوں نے محب وطن ہونے کی وجہ سے ماضی میں بھارت میں کام کرنے سے انکار کیا جب کہ مرد حضرات کے کرداروں کو اہم کرنے پر انہوں نے متعدد پاکستانی فلموں میں بھی کام سے معذرت کی۔
مذکورہ پروگرام میں ایمان علی نے اپنے کیریئر اور ازدواجی زندگی پر بھی کھل کر بات کی تھی جب کہ انہوں نے اپنی خوبصورتی سے متعلق دوسرے لوگوں کی جانب سے تعریفیں کیے جانے پر بھی بات کی تھی۔
ایمان علی کا کہنا تھا کہ میں یہ کافی انٹریوز میں کہہ چکی ہوں کہ مجھے اپنا ظاہر بالکل بھی پسند نہیں حالانکہ لوگ مجھے بے حد پسند کرتے ہیں اور وہ کہتے ہیں کہ آپ بہت خوبصورت ہیں لیکن جب میں خود کو شیشے میں دیکھتی ہوں تو مجھے لگتا ہے لوگ جھوٹ بول رہے ہیں اور صرف یہی نہیں میں جب موبائل میں سیلفیاں لیتی ہوں تو مختلف زاویوں سے لینے کی کوشش کرتی ہوں کہ شاید اچھی آجائے لیکن پھر خود کو دیکھتی ہوں تو لگتا ہے کوئی خواجہ سرا کھڑا ہے۔
رابعہ انعم نے ایمان علی کو خود کو ’خواجہ سرا‘ جیسا قرار دینے پربیوقوف قراردیا
ایمان علی کے اس بیان پر جہاں سوشل میڈیا صارفین نے اُنہیں خوب تنقید کا نشانہ بنایا تو وہیں پاکستان کی پہلی خواجہ سرا ماڈل و اداکارہ کامی سد نے بھی شدید ردعمل دیا-
کامی سد نے اپنے انسٹاگرام اکاؤنٹ پر اسٹوری میں جاری کیے گئے پیغام میں ایمان علی سے مخاطب ہوکر کہا کہ خواجہ سرا ہونے میں کوئی بُرائی نہیں ہے کیونکہ ہم بھی اللہ تعالیٰ کی ہی بنائی ہوئی مخلوق ہیں۔
خواجہ سرا ماڈل نے کہا کہ جس طرح آپ ایک عورت ذات ہوکر نارمل زندگی گُزار رہی ہیں، اسی طرح خواجہ سرا ہونا بھی نارمل ہے لیکن مجھے یہ سمجھ نہیں آتا کہ لوگ اس لفظ کو کسی کی توہین کے لیے کیوں استعمال کرتے ہیں۔
اُنہوں نے مزید کہا کہ خُدا کے لیے ہمیں خواجہ سرا برادری کے لیے اپنے نظریات کو تبدیل کرنا ہوگا۔
خود کو دیکھتی ہوں تو لگتا ہے جیسے کوئی خواجہ سرا کھڑا ہے ایمان علی
