اساتذہ کے تبادلوں پر یکم اگست تک پابندی عائد کردی گئی

پشاور:اب نئے تبادلے ای ٹرانسفر پالیستی کے تحت ہوں گے . محکمہ تعلیم خیبرپختونخوا نے اساتذہ کے تبادلوں پر یکم اگست تک پابندی عائد کر دی۔

ذرائع کے مطابق مشیر تعلیم خیبرپختونخوا ضیاء اللہ خان بنگش نے کہا کہ نئی ای ٹرانسفر پالیسی کے تحت محکمہ تعلیم خیبرپختونخوا میں اساتذہ کے تبادلوں میں سیاسی مداخلت کا خاتمہ ہو گا۔ان کا کہنا تھا کہ اساتذہ کے ٹرانسفر میرٹ پر ہوں گے، تبادلوں کے عمل میں شفافیت آئے گی۔

میں‌جیت گئی ، اور وہ ! ماہرہ خان نے کیا کہہ دیا کہ ہر کوئی حیران رہ گیا

ضیاء اللہ خان بنگش نے بتایا کہ محکمہ تعلیم کی جانب سے یکم اگست 2019 کو ای ٹرانسفر پالیسی کے تحت ایپ لانچ کی جائے گی۔یاد رہے دو ماہ قبل وزیر اعلی خیبرپختونخوا محمود خان نے محکمہ تعلیم کی ای ٹرانسفر پالیسی کی باقاعدہ منظوری دی تھی۔

وزیراعلیٰ کے مشیر برائے تعلیم ضیاء اللہ خان بنگش نے کہا کہ ای ٹرانسفر پالیسی کے آن لائن نظام کی وجہ سے اساتذہ اوردفتری عملے بشمول طلباء کا قیمتی وقت بھی ضائع ہونے سے بچ سکے گا۔جس کی وجہ سے اساتذہ کی کارکردگی میں واضح فرق آئے گا۔