ابوظبی :پاکستان سپر لیگ (پی ایس ایل) کے چھٹے سیزن کے 25 ویں میچ میں ملتان سلطانز نے کوئٹہ گلیڈی ایٹرز کو 110 رنز سے شکست دے دی۔
ابوظبی میں ہونے والے پی ایس ایل6 کے میچ میں گلیڈی ایٹرز کےکپتان سرفراز احمد نے ٹاس جیت کر ملتان سلطانز کو پہلے بیٹنگ کی دعوت دی ۔
ملتان سلطانز نے پہلے کھیلتے ہوئے مقررہ 20 اوورز میں 5 وکٹوں کے نقصان پر 183 رنز بنائے۔
ملتان سلطانز کے شان مسعود 73 رنزبناکرنمایاں رہے،جانسن چارلس نے47 رنز اور کپتان محمد رضوان نے 21 رنزبنائے جب کہ خوشدل شاہ نے ناقابل شکست 21 رنزبنائے۔
https://twitter.com/thePSLt20/status/1405210284810244100?ref_src=twsrc%5Etfw%7Ctwcamp%5Etweetembed%7Ctwterm%5E1405210284810244100%7Ctwgr%5E%7Ctwcon%5Es1_&ref_url=https%3A%2F%2Fwww.dawnnews.tv%2Fnews%2F1162188
کوئٹہ کی جانب سے خرم شہزاد نے 2 جب کہ نواز ، ظاہر خان اور حسان خان نے ایک، ایک وکٹ حاصل کی۔
184رنز کے ہدف کے تعاقب میں کوئٹہ کو ابتدا ہی سے مشکلات کا سامنا کرنا پڑ ا اور اس کی وکٹیں پتوں کی طرح بکھرتی چلی گئیں۔
https://twitter.com/thePSLt20/status/1405216070860955649?ref_src=twsrc%5Etfw%7Ctwcamp%5Etweetembed%7Ctwterm%5E1405216070860955649%7Ctwgr%5E%7Ctwcon%5Es1_&ref_url=https%3A%2F%2Fwww.dawnnews.tv%2Fnews%2F1162188
کوئٹہ کی پوری ٹیم 12 اعشاریہ ایک اوورز میں 73 رنز پر آؤٹ ہوگئی جو کہ پی ایس ایل کی تاریخ کا دوسرا کم ترین اسکور ہے جب کہ ملتان سلطانز نے پی ایس ایل کی تاریخ میں رنز کے اعتبار سےسب سے بڑی فتح حاصل کی اور 100 رنز سے زائد مارجن سے جتنے والی پہلی پی ایس ایل ٹیم بن گئی۔
ملتان سلطانز نے کوئٹہ گلیڈی ایٹرز کو 110 رنز سے شکست دی،اس سے قبل اسلام آباد یونائٹڈ نے لاہور قلندرز کو 71 رنز سے ہرایا تھا۔
کوئٹہ کی جانب سے جیک ویدرالڈ 19 ، سرفراز احمد 13 اورعثمان خان نے 12 رنزبنائے، محمدنواز 10 ، عثمان شنواری 7 اورظاہرخان نے 6 رنزبنائے۔کوئٹہ گلیڈی ایٹرزکے تین کھلاڑی صفر پر آؤٹ ہوئے۔
ملتان سلطانزکے عمران طاہرنے تین کھلاڑیوں کوآؤٹ کیا جب کہ عمران خان نے 2 اور لیسنگ موزارابانی،سہیل تنویراور شاہنوازدھانی نے ایک ایک وکٹ حاصل کی۔
https://twitter.com/thePSLt20/status/1405205940287291393?ref_src=twsrc%5Etfw%7Ctwcamp%5Etweetembed%7Ctwterm%5E1405205940287291393%7Ctwgr%5E%7Ctwcon%5Es1_&ref_url=https%3A%2F%2Fwww.dawnnews.tv%2Fnews%2F1162188
میچ کے لیے دونوں ٹیمیں ان کھلاڑیوں پر مشتمل تھیں۔
کوئٹہ گلیڈی ایٹرز: سرفراز احمد(کپتان)، جیک ویدرلڈ، کیمرون ڈیلپورٹ، عثمان خان، اعظم خان، محمد نواز، حسان خان، عثمان شنواری، ظاہر خان، خرم شہزاد اور محمد حسنین۔
ملتان سلطانز: محمد رضوان(کپتان)، شان مسعود، صہیب مقصود، رائلی روسو، جانسن چارلس، خوشدل شاہ، سہیل تنویر، بلیسنگ مزربانی، شاہنواز دھانی، عمران خان اور عمران طاہر۔
