بیوروکریسی میں تقرر وتبادلے

بلوچستان (اے پی پی) محکمہ ملازمت ہائے عمومی نظم ونسق کے جاری کردہ نوٹیفکیشن کے مطابق بشیر احمد بازئی کمشنر ژوب ڈویژن کا تبادلہ کرکے انہیں ممبر وزیراعلیٰ معائنہ ٹیم مقررکیا گیا جبکہ تقرری کے منتظر سہیل الرحمن بلوچ کو کمشنر ژوب ڈویژن تعینات کردیا گیا ہے،نیاز احمد نیچاری کو چیف کنٹرولر گورنمنٹ پرنٹنگ اینڈ سٹیشنری ڈیپارٹمنٹ کی خالی آسامی پر تعینات کیا گیا ہے۔دریں اثناء سید مہراب شاہ ایڈیشنل سیکرٹری داخلہ وقبائلی امور کو تبدیل کرکے انہیں محکمہ ملازمت ہائے عمومی نظم ونسق رپورٹ کرنے کی ہدایت کی گئی ہے۔