پاکستانی اداکارہ جوبھارت میں فلم کی شوٹنگ کے دوران حاملہ ہوگئیں

پاکستان شوبز انڈسٹری کی معروف اداکارہ ، ماڈل اور میزبان متھیرا نے انکشاف کیا ہے کہ وہ بھارت میں آڈیشن دینے گئیں جہاں دو ہفتے بعد انہیں محسوس ہوا کہ وہ حاملہ ہیں ۔

باغی ٹی وی : نجی ٹی وی کے پروگرام میں انٹرویو کے دوران متھیرا نے انکشاف کیا کہ جب میں بھارت میں آڈیشن دینے کے لیے گئی اورمجھے دوسال سے زیادہ کاوقت ہوچکا تھامجھے دوبڑے بریکس ملے تھے جس پرمیں بہت خوش تھی۔

اداکارہ نے کہا کہ بھارت میں میرا کام بہت اچھا چل رہا تھا کہ دو ہفتے کے بعدمیں نے محسوس کیاکہ میں حاملہ ہوں۔

اداکارہ متھیرا نے مزید بتایا کہ حاملہ ہونے کا پتہ چلنے کے بعد میں ادھرسے ادھربھاگ رہی تھی ،کسی کومعلوم نہیں تھا مگرمیری امی نے مجھ سے پوچھا کہ کیا ہوا تومجھے سمجھ میں نہیں آرہا تھا کہ میں کیا بولوں۔

متھیرا نے کہا کہ جومیرے شوٹ کی ڈیٹس مل رہی تھیں وہ میری 7سے 8 مہینے کے حمل کے دوران آتی تھیں تو اس دوران تومیں بہت زیادہ سفربھی نہیں کرسکتی تھی۔

انہوں نے بتایا کہ کافی لوگوں نے بہت ساری الگ الگ رائے دیں جس کی وجہ سے میں اورزیادہ پریشان ہوگئی تھی کچھ لوگوں نے بولاکہ کام کی طرف توجہ دوجبکہ کچھ نے بولا کہ اپنے آپ پرتوجہ دو۔

متھیرا کے مطابق لوگ ڈھکے چھپے لفظوں میں اپنی رائے دیتے رہے تومیں نے کہا کہ اب جوکچھ ہونا ہے اسے ہونے دو آخر کار میں نے ڈائریکٹرکویہ بات بتائی اور اب جب ڈائریکٹرمیرے بیٹے کودیکھتے ہیں توکہتے ہیں کہ یہ وہی ہے جوہماری فلم کے بیچ میں آیا تھا۔