ایتھوپیا میں ایک دن میں اتنے درخت لگائے گئے کہ سب دنگ رہ گئے
![](https://baaghitv.com/wp-content/uploads/2019/07/ethiopia-plants.jpg)
اس وقت ایتھوپیا کا 4فیصد سے بھی کم حصہ جنگلات پر مشتمل ہے جو کہ انیسویں صدی کے آخر میں 30فیصد تھا۔
ایتھوپین حکام کے مطابق ایتھوپیا کے شہریوں نے ایک ہی دن میں ساڑھے تین کروڑ سے زیادہ درخت لگا دیے ہیں۔
جدت و تکنالوجی کے وزیر، ڈاکٹر گیہون میکوریہ نے کہا کہ پیر کی شام تک 353 ملین درخت لگائے جا چکے ہیں ،جبکہ ابتدائی طور پر ہدف 200ملین درختوں کا تھا۔
ایتھوپیا کے وزیراعظم ابی احمد نے ٹویٹر پر پیغام میں کہا کہ آج ہماری کوششوں کی وجہ سے ایتھوپیا عالمی ریکارڈ توڑنے جا رہا ہے۔
یاد رہے کہ ایتھوپیا میں مئی اور اکتوبر کے درمیان 4 ارب درخت لگانے کا ہدف مقرر کیا گیا ہے۔
زرعی عہدیداروں کے مطابق ملک بھر میں اب تک 2.6 بلین سے زائد درخت لگائے جا چکے ہیں۔ اس مہم میں مختلف بین الاقوامی تنظیمیں اور کاروباری برادری بھی شامل ہوگئی ہیں۔