اسلام آباد:چیئرمین سینیٹ صادق سنجرانی کے زیرصدارت اہم اجلاس،اہم فیصلے،اطلاعات کے مطابق آج پاکستان کے ادارہ برائے پارلیمانی خدمات کے بورڈ آف گورنر ز کے صدر اور چیئرمین سینیٹ محمد صادق سنجرانی کی زیر صدارت پپس بورڈ آف گورنرز کا اہم اجلاس ہوا
سینیٹ سیکرٹیریٹ کے مطابق آج اس اہم اجلاس میں سینیٹرز ڈاکٹر سکندر میندرو، ڈاکٹر زرقہ، کہدہ بابر اراکین قومی اسمبلی شاہدہ اختر علی، نفیسہ خٹک اور سیکرٹری سینیٹ محمد قاسم صمد خان شرہق ہوئے
اس موقع پر چیئرمین سینیٹ صادق سنجرانی نے کہا ہے کہ ادارہ برائے پارلیمانی سروسسز میں بین الاقوامی پارلیمنٹرینز کو پارلیمانی امور سے متعلق تربیت اور آگاہی کیلئے کورسسز متعارف کروائے جائیں گے۔
ان کا کہنا تھا کہ کئی ممالک کی پارلیمنٹس نے پارلیمانی تربیت کے حوالے سے دلچسپی ظاہر کی ہے۔ سرکاری افسران کوپارلیمانی امور سے متعلق بھی لازمی تربیت دی جائے گی۔صوبوں کے ساتھ اس حوالے سے اتفاق رائے ہو چکا ہے۔
ان کا کہنا تھا کہ ادارہ برائے پارلیمانی سروسسز نے نئے آنے والے پارلیمنٹرین کو پارلیمانی امور اور قانون سازی سے متعلق بہترین سروسسز فراہم کی ہیں۔ دور جدید کے تقاضوں کو ملحوظ خاطر رکھتے ہوئے پارلیمان کی ذمہ داریوں میں بہت زیادہ اضافہ ہو چکا ہے
صادق سنجرانی کہتے ہیں کہ پارلیمنٹرین اور متعلقہ اداروں کے ملازمین کی استعداد کار بڑھانا وقت کی اہم ضرورت ہے۔بہتر اور ٹھوس قانون سازی کیلئے معیاری تحقیق سے استفادہ کرنا ہوگا۔موثرقانون سازی کیلئے تحقیقاتی اعداد وشمار اکٹھے کیے جائیں۔
ان کا کہنا تھا کہ ادارہ برائے پارلیمانی خدمات، جامعات، سماجی تنظیموں و دیگر متعلقہ اداروں کے ساتھ ادارہ جاتی تعاون و روابط کو فروغ دے۔سیمینارز، ورکشاپس اور تربیتی کورسز کے فروغ کیلئے مناسب حکمت عملی اختیار کی جائے گی۔
چیئرمین سینیٹ کہتے ہیں کہ پارلیمان اور پارلیمانی اقدار سے متعلق عوام میں آگاہی پیدا کی جا ئے۔ ادارہ کے ایچ آر اور انتظامیہ کے معاملات کا تفصیلی جائزہ لیا ہے بہتری کیلئے اقدامات اٹھائے جائیں گے محنتی اور تجربہ کار افسران کو ترقی دے کر ان کا جائز حق دیا جائے گاتاکہ ان کی استعداد کار میں اضافہ ہو سکے۔
