کوئٹہ:بلوچستان میں “حکومت کو جام” کرکے رکھ دیں گے:کسی قسم کافلاحی ، عوامی کام نہیں کرنے دیں گے:اطلاعات کے مطابق اپوزیشن ارکان نے حکومتی وفد کے ساتھ مزید بات چیت سے انکار کردیا ہے، جس کے نتیجے میں ڈیڈ لاک برقرار ہے۔
اپوزیشن لیڈر بلوچستان اسمبلی ملک سکندر ایڈووکیٹ کا کہنا تھا کہ سات دن گزر گئے ہمارے خلاف درج ایف آئی آر پرہمیں گرفتار نہیں کیا جارہا، طےہوا تھا کہ اپوزیشن کیخلاف ایف آئی آر واپس لی جائےگی تاحال ایف آئی آر واپس نہیں لی گئی جو اسمبلی کی توہین ہے۔
ملک سکندرایڈووکیٹ نے دھمکی دی کہ ہمارے مطالبات پر صوبائی حکومت توجہ نہیں دے رہی، وزیر اعلیٰ بلوچستان جام کمال ہوش کے ناخن لیں ورنہ ان کی حکومت کو صوبے بھر میں “جام” کرکے رکھ دیں گے۔
اپوزیشن رہنماوں کا کہنا تھا کہ فیصلہ کیا ہے کہ حکومت کوکسی بھی قسم کا فلاحی ، ترقیاتی اورعوامی مفاد کا کام نہیں کرنے دیں گے
اپوزیشن لیڈر نے الزام عائد کیا کہ بجٹ پر مشاورت کی بجائے صوبائی اراکین اسمبلی پر حملہ کیا گیا، اپوزیشن اراکین پربکتربند گاڑی چلائی گئیں، وزیر اعلیٰ قبائلی روایات کے تحت اراکین کے پاس جاکر معافی مانگیں۔
