دنیا کوبھارتی کرونا کھانے لگا: روس میں بھارتی کورونا تباہی پھیلا دی : ہزاروں نئےکیسز رپورٹ

ماسکو:روس میں بھارتی کورونا تباہی پھیلا دی : ہزاروں نئےکیسز رپورٹ،اطلاعات کے مطابق روس میں کورونا وائرس کی بھارتی قسم ڈیلٹا سے کورونا کے پھیلاؤمیں تیزی آگئی ہے اور 24 گھنٹوں میں 20 ہزار538 کیسز رپورٹ ہوئے ہیں۔

دوسری طرف روسی میڈیا کا کہنا ہے کہ صرف روسی دارالحکومت ماسکو میں ایک دن میں کورونا سےاب تک کی سب سے زیادہ 144 اموات ہوئی ہیں۔

ادھر آسٹریلیا میں بھی کورونا کی ڈیلٹا قسم کا پھیلاؤ جاری ہے، سڈنی میں آج سے دو ہفتوں کا لاک ڈاؤن نافذ کردیا گیا ہے جب کہ پڑوسی ملک نیوزی لینڈ میں بھی حکام الرٹ ہوگئے ہیں۔

بنگلا دیش میں کورونا کیسز میں اضافے کے بعد کل سے ملک بھر میں 7 دنوں کے لیے لاک ڈاؤن نافذ کیا جائےگا۔

ملائیشیا میں بھی کورونا کیسز میں تیزی پر وزیراعظم نے کل ختم ہونے والا لاک ڈاؤن ہٹانے کا امکان مسترد کردیا،وزیراعظم نے کہا ہے کہ یومیہ 4 ہزار کیسز سے کم تعداد ہونے پر ہی پابندیوں میں نرمی کی جائےگا۔

جاپان میں اولمپک کی تیاریاں جاری ہیں اور اس سلسلے میں انتظامیہ نے فیصلہ کیا ہےکہ کورونا کی ڈیلٹا قسم سے متاثرہ بھارت سمیت 6 ملکوں کے ایتھلیٹ کو ہدایت جاری کی جائےگی کہ وہ جاپان آنے سے 7 دن قبل ہر روز اپنے کورونا ٹیسٹ کروائیں۔

ادھر ذرائع کے مطابق بھارت میں پھرکرونا وائرس نے چند دن کے بعد اپنے حملے تیز کردیئے ہیں اورمودی حکومت نے خطرے کی گھنٹیاں بجادی ہیں‌