سابق ٹیسٹ کرکٹر سعید اجمل بھی قومی کرکٹ ٹیم کے باءولنگ کوچ کے امیدوار بن گئے
لاہور ۔ 30 جولائی (اے پی پی) پوری دنیا میں اپنی سپن باولنگ کا جادو دکھانے والے سابق ٹیسٹ کرکٹر سعید اجمل بھی قومی کرکٹ ٹیم کے باولنگ کوچ کے امیدوار بن گئے ۔ صحافیوں سے گفتگو کرتے ہوئے لیجنڈ سپن باولر نے کہا کہ وہ قومی ٹیم کے باءولنگ کوچ کے عہدہ میں دلچسپی رکھتے ہیں اور اگر انہیں موقع دیا گیا تو اپنے تجربہ سے قومی ٹیم کے کھلاڑیوں کو مستفید کرنے کی پوری کوشش کروں گا ۔ سعید اجمل نے بتایا کہ وہ انگلینڈ اور پاکستان کرکٹ بورڈ کے لیول 2 کے کوچنگ کورس کر چکے ہیں اور لیول تھری کوچنگ کورس میں اپریل میں شرکت کریں گے ۔ انہوں نے کہاکہ وہ اپنی اکیڈمی میں نوجوان کھلاڑیوں کی بڑی تعداد کی کوچنگ کررہے ہیں ۔