ٹی 20 سیریز کے سلسلے میں قوم کو خوشخبری سنائیں گے ، کپتان بابر اعظم

ٹی 20 سیریز کے سلسلے میں قوم کو خوشخبری سنائیں گے ، کپتان بابر اعظم

باغی ٹی وی : انگلینڈ کے خلاف ون ڈے میچز کی سیریز کھو جانے کے بعد اور پہلے ٹی 20 میچ میں فتح کے ساتھ آغاز کے بعد کپتان بابر اعظم نے عزم کا اظہار کیا ہے کہ کہ اچھی کارکردگی پیش کرنے کے بعد انگلینڈ کیخلاف سیریزجیتنے کی پوری کوشش ہوگی .

انگلینڈ کیخلاف ٹی 20 میں کامیابی کے بعد قومی ٹیم کے کپتان بابراعظم نے انگلینڈ وکٹ کیپر بیٹسمین رضوان کے ساتھ عمدہ پارٹنرشپ اور کامیابی کا نسخہ بتادیا۔انہوں‌نے کہا کہ تسلسل کو برقرار رکھتے ہوئے ہم آگے بڑھتے جائیں گے .

نائب کپتان کے محمد رضوان کے ساتھ اچھی شراکت داری پر بات کرتے ہوئے ان کا کہنا تھا کہ اس پرفارمنس کو جاری رکھا جائے گا.

خیال رہے کہ پاکستان نے انگلینڈ کو پہلے ٹی 20 میچ میں 31 رنز سے شکست دیکر تین میچوں کی سیریز میں ایک صفر کی برتری حاصل کر لی۔

ناٹنگھم میں کھیلے جارہے پہلے ٹی ٹوئنٹی میچ میں انگلش ٹیم کے کپتان نے ٹاس جیت کر پاکستان کو پہلے بیٹنگ کی دعوت دی جس پر قومی ٹیم کے بلے بازوں نے بہترین بلے بازی کرتے ہوئے مقررہ اوورز میں 6 وکٹوں کے نقصان پر 232 رنز بنائے۔جواب میں انگلینڈ کی ٹیم آخری اوور کی دوسری گیند پر 201 رنز بنا کر آؤٹ ہو گئی۔ انگلینڈ کی جانب سے لیام لیونگسٹن نے 9 چھکوں اور 6 چوکوں کی مدد سے شاندار سنچری اسکور کی مگر وہ اپنی ٹیم کو فتح نہ دلوا سکے۔