طالبان کے یورپین سیکشن کے سربراہ کی سوئس سفیر و دیگر سے ملاقات اہم یقین دہانی کرادی
باغی ٹی وی : افغان طالبان کے یورپی سیکشن کے سربراہ ملا اے واثق کی افغانستان میں سوئس غیر مقیم سفیر بینیڈکٹ ڈی سیرجٹ اور قطر میں سوئس سفیر ایڈگر ڈوریگ اور ان کے وفد سے گذشتہ روز قطر میں ملاقات ہوئی۔
دونوں فریقوں نے افغانستان کی موجودہ صورتحال ، موجودہ امن عمل اور سوئس کے افغانستان کو ترقیاتی امداد دینے پر تبادلہ خیال ہوا۔ گفتگو میں سفارت خانوں ، انسان دوست تنظیموں ، سفارتکاروں اور عملے کی سیکیورٹی سے متعلق امور پر بھی تبادلہ خیال کیا گیا۔
وفد نے اس بات کا اعادہ کیا کہ سفارتخانے اور بین الاقوامی تنظیمیں افغانستان اور دنیا کے مابین تعلقات اور رابطے کے لئے اہم ہیں اور ہم ان کے تحفظ کو اپنے قومی مفادات کا حصہ سمجھتے ہیں۔
