تفتیشی افسر کو رشوت کی پیشکش کرنیوالا ملزم گرفتار

تھانہ ائیر پورٹ کے تفتیشی آفیسر کو رشوت کی پیش کش کرنے والا شخص گرفتار کر لیا گیا

ملزم نے مقدمے میں نامزد فرخ کھوکھر کو بے گناہ کرنے کے لیے رشوت کی پیشکش کی تھی، گزشتہ روز فرخ کھوکھر کے خلاف شہری کے پلاٹ پر قبضے کی کوشش کرنے کی درخواست پرمقدمہ درج کیا گیا تھا، انچارج چوکی گلریز عثمان سب انسپکٹر کو واجد محمود عباسی نےساڑھے 03 لاکھ روپے بطور رشوت پیش کی،

پولیس حکام کے مطابق پیش کردہ رقم تفتیشی افسر عثمان نے بطور وجہ ثبوت قبضہ پولیس میں لے کر ملزم واجد محمود کے خلاف مقدمہ درج کر کے اُسے گرفتار کر لیا، ایس پی پوٹھوہار نے ایس ایچ او اور چوکی گلریز ٹیم کو شاباش دی اور کہا کہ تفتیشی آفیسر عثمان کی اپنے پیشے سے وفاداری اور ایمانداری کی مثال قابل تقلید ہے،

واضح رہے کہ فرخ کھوکھر کے خلاف مقدمہ درج کیا گیا ہے،تا ہم پولیس ابھی تک ملزم کو گرفتار نہیں کر سکی، پولیس کا کہنا ہے کہ جلد ملزم کو گرفتار کر لیا جائے گا،