![](https://baaghitv.com/wp-content/uploads/2021/07/nawazsharif-meets-top-afghan-officials-in-london-amid-escalating-conflict-1627111750-4004.jpg)
اسلام آباد :‘ہر پاکستان دشمن نواز شریف کا قریبی دوست ہے’وہ پاکستان کے خلاف خطرناک چال چل رہے ہیں ،اطلاعات کے مطابق وفاقی وزیر اطلاعات فواد چوہدری نے نوازشریف اور افغان سیکیورٹی ایڈوائزر کی ملاقات پر سخت ردعمل دیتے ہوئے کہا ہر پاکستان دشمن نواز شریف کا قریبی دوست ہے۔
نون لیگ کو یہ اعزازحاصل ہے کہ ان کے دو لوگ دانیال عزیز اور طلال کو بدزبانی میں ناھل کیا گیا، خواجہ آصف، روحیل اصغر، مریم بی بی ، جاوید عباسی وغیرہ کی گفتگو کے علی امین قریب بھی نہیں ۔۔۔ تالی ایک ہاتھ سے نہیں بج سکتی https://t.co/9Z3cFsOIuv
— Ch Fawad Hussain (@fawadchaudhry) July 24, 2021
تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر لندن میں نوازشریف اور افغان سیکیورٹی ایڈوائزر کی ملاقات پر ردعمل کا اظہار کرتے ہوئے کہا کہ نواز شریف کوباہربھیجناخطرناک تھا ،
فواد چوہدری نے انکشاف کیا کہ نوازشریف جیسےلوگ عالمی سازشوں میں مددگار بن جاتے ہیں، نواز شریف کی را کے حلیف حمداللہ سےملاقات ایسی کاروائی کی مثال ہے، مودی، محب یا امراللہ صالح ہر پاکستان دشمن نواز شریف کا قریبی دوست ہے۔
وطن سےفرار ہوکر وطن کےمخالفین سےملاقاتیں-دشمنوں کےساتھ دوستیاں,شادیوں میں دعوتیں، تحفے تحائف کے تبادلے-کشمیریوں کی جدو جہد کی توہین ہے -کشمیر کا سودا کرنے والوں ن لیگ اور پیپلز پارٹی کوانشاء اللہ تعالی کل کشمیر کی غیورعوام مسترد کر دی گئی اور جیت کشمیر کے سفیر عمران خان کی ہوگی
— Faisal Javed Khan (@FaisalJavedKhan) July 24, 2021
دوسری جانب تحریک انصاف کے فیصل جاوید خان نے اس حوالے سے سماجی رابطے کی ویب سائٹ ٹوئٹر پر اپنے پیغام میں کہا کہ وطن سےفرارہوکروطن کے مخالفین سے ملاقاتیں کررہے ہیں، دشمنوں سےدوستیاں اورتحائف کےتبادلےکیےجارہے ہیں۔
فیصل جاوید کا کہنا تھا کہ کشمیرکاسودا کرنیوالوں کوکل کشمیری عوام مستردکرےگی، جیت کشمیرکےسفیر عمران خان کی ہوگی۔
ادھر وفاقی وزیرداخلہ شیخ رشید نے بھی انٹیلیجنس اطلاعات کی بنیاد پرکہا ہے کہ نوازشریف اس وقت پاکستان کونقصان دینے پرتُلے ہوئے ہیں اوروہ کبھی مودی سے خفیہ ملاقاتیں کرتےہیں تو کبھی اسرائیلیوں سے اوراب ان افغانوں سے جوپاکستان کوتسلیم ہی نہیں کرتے
ان کا کہنا تھا کہ نوازشریف اب ماضی کا حصہ بن چکے ہیں ان کومعلوم ہے کہ ان کا اب پاکستانی معاشرے میں دوبارہ جانا ختم ہوچکا ہے اسی لیے وہ پاکستان کوناکام ریاست ثابت کرنے کے ایجنڈے پرکام کررہےہیں