امریکی پابندیوں سے کچھ فرق نہیں پڑ ے گا ، ایرانی وزیر خارجہ کا رد عمل

امریکی پابندیوں پر اپنا رد عمل پیش کرتےہوئے ایرانی وزیر خارجہ جواد ظریف نے کہاہے کہ مجھ اس بات پر خوشی ہے کہ امریکہ ہماری منطق سے خوف زدہ اور ہمارے ایجنڈے کو اپنے لیے نقصان دہ تصورکرتا ہے

تفصیلات کے مطابق ایران کے وزیر خارجہ محمد جواد ظریف نے ایک ٹوئٹ میں امریکی پابندیوں پر رد عمل پیش کرتے ہوئے لکھا ہے کہ امریکہ نے "پوری دنیا میں بحثیت ایرانی ترجمان” کے ان کے خلاف پابندیاں لگائی ہیں؛ کیا حقیقت اتنی تکلیف دہ ہے؟

ایرانی وزیر خارجہ نے مزید کہا کہ یہ پابندیاں، ان پر اور ان کے گھر والوں پر کوئی اثر نہیں ڈالیں گی کیونکہ ان کے ملک سے باہر کوئی اثاثہ نہیں ہے۔

The US' reason for designating me is that I am Iran's "primary spokesperson around the world"
Is the truth really that painful?
It has no effect on me or my family, as I have no property or interests outside of Iran.
Thank you for considering me such a huge threat to your agenda.

— Javad Zarif (@JZarif) July 31, 2019

انہوں نے امریکی حکام کو مخاطب کرتے ہوئے کہا کہ آپ کو مجھے اپنی منصوبہ بندیوں کے خلاف بڑا خطرہ سمجھنے کا شکریہ۔

یہ بات قابل ذکر ہے کہ امریکی وزارت خزانہ نے ایران کے خلاف اپنی مخاصمانہ پالیسیوں کے تسلسل میں جمعرات کی رات ایران کے وزیر خارجہ کے نام کو اپنی پابندیوں کی فہرست میں شامل کیا۔

امریکی وزیر خزانہ نے یہ اقدام اس لئے کیا کہ حال ہی میں ایران کے وزیر خارجہ نے اپنے حالیہ دورہ امریکہ کے موقع پر امریکی ذرائع ابلاغ کو انٹرویو دیا تھا جس پر امریکی وزیر خارجہ نے سخت برہمی کا اظہار کیا تھا۔