قائدآباد پولیس کا سنگین جرائم میں ملوث ملزمان کیخلاف ایکشن۔
پولیس کی مختلف علاقوں میں کارروائی، خاتون سمیت چار ملزمان گرفتار۔
گرفتار ملزمان منشیات کی سپلائی، موٹرسائیکل چوری اور اسٹریٹ کرائم میں ملوث تھے۔گرفتار ملزمان سے ساڑھے تین کلو سے زائد چرس، غیر قانونی اسلحہ اور مسروقہ موٹرسائیکل برآمد۔
گرفتار خاتون فرزانہ اور بہرام خان عرف بانی منشیات کی فروخت میں ملوث گروہوں کو منشیات سپلائی کرتے تھے۔
دونوں ملزمان کے نام پولیس کو انتہائی مطلوب منشیات فروشوں کی فہرست میں بھی شامل تھے۔گرفتار ملزمان نور اللہ علاقے میں ڈکیتی اور راہزنی کی وارداتوں میں ملوث تھا۔ملزم کا ساتھی فرار ہے جس کی تاحال تلاش جاری ہے۔
پولیس نے گرفتار ملزم نور اللہ سے اسلحہ اور شرافی گوٹھ کے علاقے سے چوری شدہ موٹر سائیکل تحویل میں لے لی۔گرفتار ملزمان کیخلاف درج مقدمات کی تفصیلات حاصل کی جا رہی ہیں۔
گرفتار تمام ملزمان عادی مجرم ہیں اور پہلے بھی گرفتار ہو کر جیل جا چکے ہیں۔گرفتار ملزمان کیخلاف ضابطے کی کارروائی جاری ہےچاروں ملزمان کو مزید پوچھ گچھ کیلئے تفتیشی حکام کے حوالے کر دیا گیا۔گرفتار ملزمان نوراللہ اور ذیشان سے برآمد اسلحہ فارنزک کیلئے روانہ کر دیا گیا ہے۔
