اسلام آباد:طاقتورکون :وزیراعظم یا قبضہ مافیا:حقیقت سامنے آنے پرکپتان غصے میں آگئے ،اطلاعات کے مطابق وزیراعظم عمران خان کی ہدایت پر مری میں ایک روز قبل خاتون کی واگزار کرائی گئی زمین پر مافیا نے دوبارہ قبضہ کرلیا۔
ذرائع کے مطابق گزشتہ روز اووسیز پاکستانی خاتون کی زمین پر قبضے کا وزیراعظم عمران خان نے نوٹس لیتے ہوئے انتظامیہ کو زمین واگزار کرانے کی ہدایت کی تھی۔ضلعی انتظامیہ کے افسران نے مافیا سے قبضہ ختم کروادیا تھا۔
متاثرہ خاتون حاجرہ پروین کا کہنا ہے کہ ضلعی انتظامیہ کے افسران کے جانے کے بعد دوبارہ قبضہ ہوگیا، راجہ حنیف اور اس کے ساتھیوں نے رشتے داروں پر حملہ کیا، پولیس خاموش تماشائی بنی ہوئی ہے۔
متاثرہ خاتون نے فریاد کی کہ ہم زخمی ہیں، فوری مدد کی جائے، قبضہ مافیا کیا قانون سے بالاتر ہیں، دھمکیاں دی جارہی ہیں کہ کسی صورت بھی یہاں نہیں رہنے دیں گے۔خاتون نے وزیراعظم عمران خان سے اپیل کی ہے کہ قبضہ مافیا کے خلاف کارروائی عمل میں لائی جائے۔
