انوملک-کو-اسرائیلی-قومی-ترانے-کی-دھن-چوری-کرنے-پر-ٹرولنگ-کا-سامنا #Baaghi
بین الاقوامیتازہ ترین

انوملک کو اسرائیلی قومی ترانے کی دھن چوری کرنے پر ٹرولنگ کا سامنا

4 سال قبل
4 سال قبل

بالی ووڈ کے معروف میوزک ڈائریکٹر اور گلوکار انوملک اسرائیلی قومی ترانے کی دھن چوری کرنے پر مذاق کا نشانہ بن گئے۔

باغی ٹی وی : انوملک بھارتی فلم انڈسٹری کے جانے مانے موسیقار ہیں جن کےگانے بالی ووڈ میں کافی مقبول ہیں۔ تاہم انوملک گانے بنانے کے علاوہ دوسروں کے گانوں کی کاپی کرنے کے حوالے سے بھی بے حد مشہور ہیں۔ موسیقار انوملک نے کئی پاکستانی گانے اور دھنیں چوری کرکے ان پر گانے بناکر بالی ووڈ میں خوب نام کمایا۔

انوملک نے صرف پاکستانی گانے ہی چوری نہیں کیے بلکہ وہ اسرائیلی قومی ترانے کی دھن چوری کرکے اس پر بھی گانا بناچکے ہیں اور حال ہی میں ان کی چوری پکڑی گئی ہے جس پر انہیں سوشل میڈیا پر شدید تنقید و طبز کا نشانہ بنایا جا رہا ہے-

بھارتی میڈیا کے مطابق آج سے 25 برس قبل ریلیز ہونے والی بالی ووڈ فلم ’’دل جلے‘‘ جس میں اجے دیوگن اور سونالی باندرے نے مرکزی کردار ادا کیے تھے اس فلم کا گانا ’’میرا ملک میرا دیش‘‘ دراصل اسرائیلی قومی ترانے کی کاپی ہے اورانو ملک نےاس گانے کی موسیقی ترتیب دی تھی یہ گانا نا صرف بھارت میں بے حد پسند کیا جاتا ہے بلکہ اسے بھارت کے اہم یادگار دنوں میں سرکاری سطح پر بھی بجایا جاتاہے-

لوگوں نے یہ بات حال ہی میں اس وقت نوٹ کی جب اسرائیلی جمناسٹس آرٹم دولگوپیت نے ٹوکیو اولمپکس میں گولڈ میڈل حاصل کیا اور میڈل دیتے وقت اسرائیل کا قومی ترانہ بجایا گیا اور اسرائیل کے ترانے کو سنتے ہی لوگوں کو انو ملک کے گیت’میرا ملک میرا دیش میرا یہ چمن‘ کی یاد آگئی، جس کے بعد صارفین نے انو ملک کو ٹرول کرنا شروع کر دیا –
https://twitter.com/sangeeta_tyagi/status/1422018821313875968?s=20
ایک بھارتی خاتون نے سوشل میڈیا پر انوملک کا مذاق اڑاتے ہوئے کہا ویسے تو انوملک کو پاکستانی گانے چرانے کی عادت ہے لیکن اس بار انہوں نے اسرائیل کو فتح کرنے کا سوچا۔


ایک صارف نے لکھا کہ انو ملک نے اتنا عرصہ بھارتی عوام کو بے وقوف بنایا انو ملک کے لئے بھی ایی ایوارڈ بنتا ہے-

ٹیگز:
زمرہ جات:
بین الاقوامیتازہ ترینشوبز
Shares:

مزید خبریں