آئی ایم پاکستان ورلڈ وائڈ موومنٹ تحریر : زوہیب زاہد خان

ہمارے ملک میں اکثریت آبادی غریب طبقے پر مشتمل ہے۔ پاکستان کی ساٹھ فیصد سے زیادہ آبادی غریب ہے. آج کے دور میں مہنگائی شدید بڑھ رہی ہے. اسکے ساتھ غربت اور بیروزگاری میں شدید اضافہ ہورہا ہے۔

ان حالات میں اوورسیز پاکستانیوں نے ایک عالمگیر تحریک کا آغاز کیا ہے۔ جسکا نام آئی ایم پاکستان ورلڈ وائڈ موومنٹ ہے۔ دنیا بھر سے کئی ہزار پاکستانیوں نے بڑھ چڑھ کر اس تحریک میں حصہ لیا۔ الله کے فضل سے یہ تحریک اب دن بدن مشہور ہوتی جارہی ہے۔

اس تحریک کے بانی و چیئرمین سید احمد ہیں۔ سید احمد پاکستان کی سب سے بڑی ویلفیئر موومنٹ پاکستان ورلڈ وائد موومنٹ کے بانی اور چیئرمین ہیں۔ انہوں نے ایک بیچ بویا تھا. اس بیچ کو کو رفتہ رفتہ لوگ پانی دیتے گئے اور آج وہ تحریک دنیا بھر کے پاکستانیوں میں ایک عالمگیر تحریک بن کر ابھر رہی ہے۔

دنیا بھر سے پاکستانی بزنس مین، سول سوسائٹی، وکلاء، پروفیسرز، اسٹوڈنٹس اور زندگی کے ہر شعبے سے تعلق رکھنے والے لوگ اس تحریک کا حصہ بنتے جارہے ہیں۔

سید احمد کی کاوشوں کی مرہون منت یہ تحریک اس وقت دنیا بھر میں مقیم پاکستانیوں کے درمیان مشہور ہوچکی ہے۔ لوگ بڑھ چڑھ کر اس تحریک کا حصہ بنتے جارہے ہیں۔

اس تحریک کی بنیاد پاکستان کو قرضوں کے دلدل سے باہر نکالنے کیلئے رکھی گئی ہے۔ ہزاروں پاکستانیوں نے روشن ڈیجیٹل اکاونٹ کے ذریعے اس مہم میں عطیات و خطیر رقم بھیج چکے ہیں جوکہ دیامر بھاشا ڈیم اور دیگر توجہ طلب عوامی مسائل کیلئے استعمال ہوگی۔

یہ مکمّل طور پر ایک غیرسیاسی عالمگیر تحریک ہے۔ پاکستانیوں کو چائیے اس عالمگیر تحریک آئی ایم پاکستان ورلڈ وائڈ موومنٹ کا حصہ بنیں۔ اپنے ملک کی خوشحالی کیلئے اس تحریک کا ساتھ دیں۔

الله رب العالمین کے فضل سے اس تحریک کے عروج میں پاکستان کے نوجوانوں کا اہم کردار ہے۔ وجاہت سمیع اس تحریک کی مرکزی یوتھ ونگ کے سربراہ ہیں۔ جنہوں نے نوجوان نسل کو موومنٹ کا حصہ بننے کی ترغیب دی. وجاہت سمیع، شکیل احمد، نور وہاب اور دیگر ساتھیوں کی شب وروز کی محنت سے یہ تحریک پاکستان بھر میں بھی عام ہورہی ہے۔

انشاءاللہ 14 اگست کو یوم پاکستان کے موقع پر آئی ایم پاکستان ورلڈ وائڈ موومنٹ کا اسلام آباد میں عظیم الشان جلسہ منعقد ہوگا۔ جس میں بانی و چیئرمین سید احمد خصوصی شرکت کریں گے۔ اس جلسے اور تحریک کو کامیاب بنانے کیلئے وجاہت سمیع اور انکے ساتھی بھرپور محنت کررہے ہیں۔

انشاءاللہ ہم پرامید ہیں آئی ایم پاکستان ورلڈ وائڈ موومنٹ کی کوششوں سے اور اوروسیز پاکستانیوں کے تعاون سے پاکستان قرض کے دلدل سے نکلے گا اور خوشحالی کی راہ پر گامزن ہوگا۔

سونی دھرتی اللہ رکھے قدم قدم آباد🇵🇰🇵🇰

Written by : @ZohaibZahidKhan