لاہور:پاکستان کرکٹ بورڈ کا اجلاس بے نتیجہ ختم ، قومی کرکٹرز کے سینٹرل کنٹریکٹ معاملات طئے نہ پاسکے ۔ چیف سلیکٹر کی عدم موجودگی کے باعث کمیٹی کسی فیصلے پر نہ پہنچ سکی۔
پاکستان کرکٹ بورڈ کے ذرائع کا کہناہے کہ کرکٹرز کی تعداد اور میچز کے معاوضے بھی نہ طے ہوسکے۔ ایم ڈی پی سی بی وسیم خان نے اجلاس کی صدارت کی۔
ڈائریکٹر کرکٹ اکیڈمیز مدثر نذر، ڈائریکٹر ڈومیسٹک ہارون رشید اورڈائریکٹر انٹر نیشنل کرکٹ ذاکر خان اجلاس میں شریک ہوئے۔ کوچ مکی آرتھر نے بھی اجلاس میں اپنی رائے دی ۔
ذرائع کے مطابق پی سی بی کرکٹ کمیٹی کا اجلاس کل شام 5 بجے قذافی اسٹیڈیم میں ہو گا۔قومی مینز اور ویمنز کرکٹ ٹیموں کی کارکردگی کا جائزہ لیا جائے گا۔ کرکٹ کمیٹی کا ایڈوائزری پینل سفارشات مرتب کرکے چیئرمین پی سی بی کو پیش کرے گا۔
