امریکی نشریاتی ادارے سی این این نے ویکسین نہ لگوانے والے ملازمین کونوکری سے نکال دیا

واشنگٹن:جونہیں کرے گا احتیاط اسے نوکری سے دیا جائے گا نکال اورپھرواقعی سی این این نے ایسے ہی کردکھایا ،اطلاعات کے مطابق امریکی نشریاتی ادارے سی این این نے ویکسین لگوائے بغیر دفتر آنے والے 3 ملازمین کو برخاست کردیا۔

عالمی خبر رساں ادارے کے مطابق امریکا کے کئی اداروں میں ملازمین پر دفتر آنے کے لیے ویکسین لگوانا شرط قرار دیدیا گیا ہے۔ امریکی نشریاتی ادارے سی این این نے اس شرط کی خلاف ورزی پر اپنے 3 ملازمین کو نوکری سے فارغ کردیا۔

اس حوالے سے سی این این کے چیف جیف زکر کی جانب سے جاری بیان میں کہا گیا ہے کہ کورونا ایس او پیز کی خلاف ورزی کے خلاف زیرو ٹالرینس کی پالیسی ہے۔ فیلڈ رپورٹرز سمیت آفس میں کام کرنے والے تمام ملازمین کے لیے ویکسین لگوانا لازمی ہے۔

یاد رہے کہ امریکا میں کئی اداروں کو ملازمین کی ویکسینیشن ہونے کی شرط پر کھولا جا چکا ہے تاہم ڈیلٹا وائرس کے پھیلاؤ کے باعث اداروں میں ایس او پیز پر سختی عمل درآمد کرایا جا رہا ہے۔