عون چوہدری کے وزیراعلی پنجاب سے متعلق بیان پر ترجمان پنجاب حکومت مسرت جمشید چیمہ کا ردعمل سامنے آیا ہے-
باغی ٹی وی : ترجمان پنجاب حکومت کا کہنا تھا کہ وزیراعلی پنجاب سردار عثمان بزدار کے بارے میں تمام ممبران ببانگ دہل کہتے ہیں کہ وہ سب کو عزت دیتے ہیں وزیراعلی پنجاب نے عون چوہدری کو عزت دی اور عون چوہدری اپنے محسنوں کی پیٹھ میں چھرا گھونپنے میں مصروف ہیں.
صوبائی وزیر کے بھائی کا قتل :موقع سے گرفتار ملزم نے قتل کی وجہ بتا دی
مسرت جمشید چیمہ نے کہا کی محسنوں کو دغا دے کے کہیں اور نمبر ٹانگنے کی کوششیں شرمناک ہیں پارٹی ڈسپلن کی خلاف ورزی پر عون چوہدری سے استعفی مانگا گیا جو انہوں نے نہ دیا لہذا انہیں ڈی. نوٹیفائی کر دیا گیا-
مسرت جمشید چیمہ نے کہا کہ عون چوہدری کی تمام تر سیاسی ساکھ کی بنیاد یہی ہے کہ ان کی وزیراعظم عمران خان کے ساتھ کچھ تصاویر ہیں. اس کے علاوہ ان کا کوئی سیاسی تعارف نہیں-
وسیم اکرم کی کراچی والوں سے معذرت
ترجمان پنجاب حکومت مسرت جمشید چیمہ نے عون چوہدری کو آڑے ہاتھوں لیتے ہوئے کہا کہ جو اپنے محسنوں کے نہ ہو سکے وہ اپنی نئی پناہ گاہ کی بھی جڑیں کھوکھلی کریں گے-
