سینیٹ میں شکست پر پیپلز پارٹی کے سینیٹرز نے بڑا قدم اٹھانے کا فیصلہ کر لیا

پیپلز پارٹی کے تمام سینیٹرز نے پارٹی چیئرمین بلاول بھٹوزرداری کے پاس اپنے استعفے جمع کروا دیے ہیں،

باغی ٹی وی کی رپورٹ کے مطابق سینیٹ میں چیئرمین اور ڈپٹی چیئرمین کے خلاف تحاریک عدم اعتماد پر اپوزیشن جماعتوں‌ میں سخت بے چینی اور مایوسی پائی جاتی ہے، بلاول بھٹو زرداری کل لاہور آ رہے ہیں‌ اور اس دوران وہ پارٹی رہنماؤں سے تازہ ترین صورتحال سے متعلق مشاورت کریں گے، سینیٹ‌ میں اپوزیشن کی شکست پر نجی ٹی وی نے دعویٰ کیا ہے کہ چیئرمین اور ڈپٹی چیئرمین کے خلاف تحاریک عدم اعتماد پر پی پی سینیٹرز نے اپنے استعفے بلاول بھٹو زرداری کو جمع کروادیے ہیں،

سینیٹ میں شکست پر بلاول بھٹو زرداری نے میڈیا سے گفتگو کے دوران شدید ردعمل ظاہر کرتے ہوئے کہا ہے کہ آج سینیٹ میں کھلے عام حملہ ہوا ،آج جن سینیٹر ز نے اپنی پارٹیوں کی پیٹھ میں چھرا گھونپا ان سے حساب لیں گے اور انہیں سب کے سامنے بے نقاب کریں گے، واضح‌ رہے کہ آج سینیٹر صادق سنجرانی اپنا عہدہ بچانے میں کامیاب رہے ہیں جبکہ ڈپٹی چیئرمین بھی سلیم مانڈوی والا ہی رہیں گے،