کورونا وائرس پر قابو پانے کے لیے ملکی سطح پر بنائی گئی خصوصی ٹیم نیشنل کمانڈ اینڈ آپریشن سینٹر (این سی او سی) کے 500 دن مکمل ہو گئے۔
باغی ٹی وی : اس حوالے سے وفاقی وزیر اور این سی او سی کے سربراہ اسد عمر نے سماجی رابطے کی ویب سائٹ ٹوئٹر پر لکھا کہ آج این سی او سی کی تشکیل کے 500 دن مکمل ہو گئے این سی او سی نے کورونا کا مقابلہ کرنے پر دستاویزی فلم بنائی ہے۔
آج NCOC کی تشکیل کے 500 دن مکمل ہو گئے. اس موقع پر بنائی جانے والی دستاویزی فلم، جس میں وہ تمام پہلو جن پر کام کر کے پاکستانی قوم نے کرونا کا مقابلہ کیا اور دنیا سے پزیرائی حاصل کی، اجاگر کئے گئے ہیں. https://t.co/yopRU1CHD2
— Asad Umar (@Asad_Umar) August 8, 2021
سربراہ این سی او سی نے کہا کہ دستاویزی فلم میں قوم کی جانب سے کورونا کا مقابلہ کرنے سے متعلق تمام پہلو اجاگر کیے گئے ہیں۔
اسد عمر نے کہا کہ این سی او سی نے کورونا سے متعلق قوم میں آگاہی پیدا کی ہے۔
پاکستان میں کورونا کے باعث مزید 68 افراد جاں بحق
واضح رہے کہ گزشتہ 24 گھنٹے کے دوران ملک بھر میں کورونا سے مزید 68 افراد جاں بحق ہو گئے جس کے بعد ملک بھر میں اموات کی تعداد 23 ہزار 865 تک پہنچ گئی ملک میں کورونا وائرس کے 4 ہزار 455 نئے کیسز رپورٹ ہوئے۔ ملک بھر میں کورونا کیسز کی مجموعی تعداد 10 لاکھ 67 ہزار 580 ہو گئی۔
این سی او سی کے مطابق گزشتہ 24 گھنٹوں کے دوران ملک بھر میں کورونا کے 55 ہزار 2 ٹیسٹ کیے گئے گزشتہ 24 گھنٹے میں کورونا وائرس کے مثبت کیسز کی شرح 8.09 فیصد رہی۔
دوسری جانب وفاقی وزیرمنصوبہ بندی اسد عمر پاکستان کو برطانیہ کی ریڈ لسٹ سے نکلوانے کے لیے متحرک ہوگئے ہیں وفاقی وزیر اسد عمر کی زیرصدارت ارکان برطانوی پارلیمںٹ کا ان لائن اجلاس ہوا جس میں معاون خصوصی ڈاکٹر فیصل سلطان نے بھی شرکت کی۔
Had a session with some UK MP's regarding continuation of Pakistan on the red list. Shared data regarding covid disease surveillance and explained Pak strategy for covid response. Will engage with UK govt to try and ensure that red list decisions are based on science not politics pic.twitter.com/yn1qgHmMyW
— Asad Umar (@Asad_Umar) August 7, 2021
اجلاس کے دوران ارکان برطانوی پارلیمںٹ کو پاکستان میں کورونا کی صورتحال اور کورونا سے متعلق پاکستان کی حکمت عملی سے آگاہ کیا گیااجلاس کے دوران وفاقی وزیر اسد عمر نے کہا کہ ارکان پارلیمنٹ پاکستان کو برطانوی ریڈ لسٹ سے نکالنےکے لیے اقدامات کریں ان کا کہنا تھا کہ یقینی بنایا جائے کہ پاکستان کا نام ریڈ لسٹ میں سیاسی نہیں بلکہ سائنسی بنیادوں پر ہونا چاہیے۔
