رحیم یارخان( )وفاقی وزیرریلوے شیخ رشیداحمدنے کہاہے کہ حکومت کے خلاف سازشیں کرنے سے اپوزیشن کوکچھ حاصل نہیں ہونا

رحیم یارخان( )وفاقی وزیرریلوے شیخ رشیداحمدنے کہاہے کہ حکومت کے خلاف سازشیں کرنے سے اپوزیشن کوکچھ حاصل نہیں ہونا‘ وزیراعظم عمران خان کی حکومت اپنی آئینی مدت پوری کرے گی‘ ملک کوکرپشن کے زریعے کھوکھلاکرنے والے احتساب سے بچ نہیں سکیں گے‘ ممبران اسمبلی اپنے حلقوں کی تعمیروترقی کے لیے جس اندازمیں دلچسپی لے رہے ہیں اس کی مثال نہیں ملتی۔رحیم یارخان میں دورے کے دوران صوبائی پارلیمانی سیکرٹری عشروزکوۃ چوہدری محمدشفیق اورنمائندہ ایم این اے ڈاکٹراعجازتنویرسے ملاقات کے دوران انہوں نے کہاکہ ماضی کی حکومتوں نے سرکاری خزانے کوبے دردی سے لوٹااوریہی وجہ ہے کہ حکومت کوخزانے کی تجوری خالی ملی لیکن ایک سال میں آج ملک کی معیشت میں بہتری آئی ہے اورعوام کوان کے حقوق دہلیزپرمیسرآرہے ہیں‘ ایم ایل ون منصوبے سے ریلوے ترقی کی جانب گامزن ہوسکے گا‘ قبل ازیں چوہدری محمدشفیق اورڈاکٹراعجازتنویرنے شیخ رشیداحمدسے سیاسی صورتحال پرتبادلہ خیال کیااوررحیم یارخان میں ریلوے کی مسماردکانوں کے مسئلہ کے حل سمیت دیگراموربارے آگاہ کیاجنہیں شیخ رشیدنے جلدحل کرانے کی یقین دہانی کرائی۔