بلاول بھٹو نے پی پی سینیٹرز کی جانب سے استعفے جمع کروانے کی تصدیق کر دی

پیپلز پارٹی کے چیئرمین بلاول بھٹو زرداری نے کہا ہے کہ افسوس جنرل الیکشن کی طرح اس بار بھی ووٹ مسترد کرکے اپوزیشن کو ہرایا گیا،

باغی ٹی وی کی رپورٹ کے مطابق بلاول بھٹو نے پی پی سینیٹرز کی جانب سے استعفے جمع کروانے کی تصدیق کرتے ہوئے کہا ہے کہ سارے سینیٹرز نے اپنے استعفے اخلاقی طورپرمجھے دیے ہیں، انہوں نے الزام عائد کیا کہ خفیہ بیلٹ کا فائدہ اٹھا کر ووٹ تبدیل کرائے گئے،

بلاول بھٹو زرداری نے کہاکہ پیپلزپارٹی ضرور معاملے کی چھان بین کرے گی، یہ عمل وفاق،سینیٹ اور جمہوریت کے لیے خطرناک ہے، مایوس بالکل نہیں ہوں جمہوریت کے لیے جدو جہد کرتا رہوں گا،

واضح رہے کہ سینیٹ میں چیئرمین اور ڈپٹی چیئرمین کیخلاف تحاریک عدم اعتماد کے دوران اپوزیشن کو ناکامی کا سامنا کرنا پڑا ہے جس پر اپوزیشن جماعتیں شدید ردعمل کا اظہار کر رہی ہیں،