وفاقی وزیر رہنماء علی زیدی نے کہا ہے کہ 2017 اور 2018 میں پورٹ قاسم میں 6 ارب روپے کا منافع حاصل کیا تھا، 2020 اور 2021 میں پورٹ قاسم نے 8 ارب کا ٹیکس بھرا ہے، ہم نے ادارے سے درخواست کی کہ آپ سی ایس آر فنڈ کے سارتھ کراچی میں اپنا کردار ادا کریں، جتنی مدد ہوسکتی ہے این سی او سی کی مدد کریں، کل صبح تک 66000 ویکسین کرچکے ہیں، کے پی ٹی کا ہسپتال ہے، پورٹ قاسم اور پی این سی نے بھی موبائل وینز کا انتظام کرلیا ہے، باقی ادارے بھی ویکسین لگا رہے ہیں، کراچی میں ویکسین کا عمل تیزی سے چل رہا ہے، مجھے عید کے بعد بھی کرونا ہوا تھا، میری پوری فیملی کو ہوگیا تھا، کوتاہی کرنے کی وجہ سے ہوا تھا، اپنے لیے، اپنے گھر والوں کیلے احتیاط کریں، ماسک ضرور پہنیں، اپنی ذات سے کسی کو نقصان نہ پہنچائیں.
ماہی گیروں نے کل صبح 3 بجے احتجاج کیا تھا، ہمارے جو سی پی ایم ہیں میں ان کو کہا تھا کہ آپ جائیں، ماہی گیروں کا احتجاج میری ٹائم کے خلاف نہیں تھا، ہماری وزارت سے ان کا کوئی تعلق نہیں ہے، ان کا احتجاج صحیح تھا یا غلط تھا، میں اس میں نہیں جاتا، وہ کسٹمز اور پی ایم ایس اے کے خلاف جو پاکستان کی میری ٹائم سیکیورٹی ایجنسی ہے، اس کے خلاف تھا، کل ہم نے سب کو بٹھایا، محمود مولوی نے ان سے بات کی، جو پی ایم ایس اے کام کررہی ہے، وہ بہترین کام کررہی ہے.
