قومی اسمبلی کا اجلاس: آج اراکین پارلیمنٹ کو ای ووٹنگ مشین کا معائنہ کرایا جائے

اسپیکر اسد قیصر کی زیرصدارت قومی اسمبلی کا اجلاس شام 4 بجے ہوگا اجلاس میں اراکین پارلیمنٹ کو ای ووٹنگ مشین کا معائنہ کرایاجائے گا۔

باغی ٹی وی : تفصیلات کے مطابق اراکین اسمبلیوں کو ووٹنگ مشین کامعائنہ کرانے کافیصلہ وزرات سائنس وٹیکنالوجی نے کیا اراکین پارلیمنٹ الیکٹرانک ووٹنگ مشین پر ڈیمو کریں گےاراکین پارلیمنٹ کے سوالات کیلئے کیوری باکس رکھا جائے گا ای ووٹنگ پر اراکین کی تجاویز کا جائزہ بھی لیا جائے گا۔

پاکستان میں ایسے انتخابات ہوں گے جس کو سب امیدوار قبول کریں گے وزیر اعظم عمران…

چیئرمین سینیٹ بھی کل الیکٹرانک ووٹنگ مشین کا معائنہ کریں گے بدھ کو اسپیکر قومی اسمبلی الیکٹرانک ووٹنگ مشین کا جائزہ لیں گےقومی اسمبلی کے بعد الیکٹرانک ووٹنگ مشین کو چاروں صوبائی اسمبلیوں میں بھی رکھا جائے گا –

وزرات سائنس اور ٹیکنالوجی کے مطابق ای وی ایم میں الیکشن کمیشن کی ہدایت کے مطابق فیچرز رکھے گئے ہیں۔عام انتخابات کے لیے 4 لاکھ الیکٹرانک ووٹنگ مشینیں درکار ہوں گی ای وی ایم بیٹری کی مدد سے 2 دن تک فعال رہ سکتی ہے۔

الیکٹرانک ووٹنگ مشین (ای وی ایم) منفی 10 تا 55 ڈگری سینٹی گریڈ پر کام کر سکتی ہے۔ ووٹ ڈالنے کے الیکٹرانک ریکارڈ کے ساتھ بیلٹ پیپر بھی ہو گا۔

دوسری جانب حلقہ این اے 249 کے ضمنی انتخابات کے بعد دھاندلی کے الزامات پر وزیر اعظم نے تمام اپوزیشن جماعتوں کو ای ووٹنگ کے لیے مذاکرات کی جانب بڑھنے کی دعوت دی تھی-

ووٹ کے تھیلے چرانے والے اب مشینوں کے معائنے کا ڈرامہ کررہے ہیں مریم اورنگزیب