کراچی :کراچی والوں کا دہائیوں کا انتظار ختم ہوا، شہر قائد کا پہلا ماس ٹرانزٹ منصوبہ افتتاح کیلئے تیار، گرین لائن منصوبے کی بسیں پاکستان کیلئے روانہ کر دی گئیں۔
تفصیلات کے مطابق گورنر سندھ عمران اسماعیل کی جانب سے ملک کے سب سے بڑے شہر کراچی کے شہریوں کو بڑی خوشخبری سنائی گئی ہے۔
سماجی رابطوں کی ویب سائٹ ٹوئٹر پر جاری پیغام میں گورنر سندھ عمران اسماعیل نے بتایا کہ گرین لائن منصوبے کی بسیں چین کی بندرگاہ تیانجن کی جانب روانہ ہو گئی ہیں۔ دو بڑے بحری جہازوں کے ذریعے 80 بسیں پاکستان بھیجی جائیں گی۔
یہ بحری جہاز تیانجن بندرگاہ سے رواں ماہ اگست کے وسط تک روانہ ہو جائیں گے اور امید ہے کہ بسیں بہت جلد کراچی پورٹ پہنچ جائیں گی۔
واضح رہے کہ وفاقی حکومت کے مطابق گرین لائن منصوبے کا اکتوبر کے ماہ میں افتتاح کر دیا جائے گا
Leave a reply
